(Clarisse's POV)
Habang nasa isang toy store kami sa loob ng mall ay biglang tumunog ang cellphone ni William.
"Darling, tumatawag sa akin si Luke. Sagutin ko lang, diyan lang ako sa labas, ha." paalam niya sa akin.
Tumango naman ako dahil medyo malakas ang tugtog sa loob ng toy store at kung sasagutin niya ang tawag ni Luke doon ay baka hindi rin sila magkaintindihan at kailangan pang magsigawan.
Nanatili naman ako sa loob ng toy store kasama si Clariella na busy sa pagtitingin ng stuffed toys kasama ang Yaya niya.
Sa edad na 2 years old ay napakakulit at napakalikot ni Clariella. Hindi puwedeng walang nakabantay na yaya lalo na kapag umaalis kami lalo at ipinagbubuntis ko na ang pangalawang anak namin ni William.
Magbabayad na sana ako ng mga pinamili naming laruan ngunit natigilan
