(Clarisse's POV)
Napairap ako nang sa wakas ay tumigil na ang pag-iingay ng doorbell sa condo unit ko.
Okay na sana dahil umalis na si William kanina, pero bumalik pa siya nang papatulog na sana ako! Hindi ba siya napapagod kakapindot sa doorbell? Hindi ba nauubos ang pasensiya niya kakahintay sa akin na pagbuksan siya ng pinto? Kasi ako ay ubos na ubos na talaga ang pasensiya ko sa kanya! Bakit ba hindi na lang niya patahimikin ulit ang buhay ko at doon na lang siya sa mga babae niya? Wala naman akong pakialam sa kanya. Kahit magpakamatay pa siya ay wala pa rin akong pakialam sa kanya.
Humiga na ulit ako sa kama ko, nagkumot ako hanggang sa ibaba ng dibdib ko at ipinikit ko na ang mga mata ko.
Kanina ay nagbasa ako ng mga article tungkol sa pagbubuntis at may nabasa ako na masama raw
