ظل يجلس بمكانه و ما القته على اذنيه ظل يتردد دون توقف ليستيقظ مرة اخرى على صوتها
فريده : مصطفى انت سامعني
التفت نحوها يحدق بها بأعين متسعة يبتلع رمقه بصعوبة
مصطفى : فريده انتي واعية للي بتقوليه ... الكلام ده هيغير حاجات كثير حصلت وهتحصل وكمان شهاب لو عرف
فريدة مقاطعة : بس انت وعدتني ان شهاب مش هيعرف حاجه عن الموضوع ده لغايه ما نتأكد
مصطفى : و هنتأكد ازاي .. لا انا ولا انتي نعرف اي حاجه خاصه بملك ... طب انتي كنت صاحبتها تعرفي حاجة عن الموضوع ده
فريده بتوتر وتفكير : لا ما اعرفش بس اكيد كان في حاجه ... اكيد في حاجه هنقدر نلاحظها .. انا وملك اه كنا صحاب بس اللي هو عادي .. يعني مكنتش اعرف اي حاجه عن حياتها الخاصة .. بصراحه الوحيد اللي كان يعرف هو شهاب .. دي تقريبا كانت بتحكيله تفاصيل يومها كله
مصطفى : يبقى لازم شهاب يعرف .. بس المشكله دلوقتي انه مش فاضي خالص للموضوع ده ... مش عارف اقوله
