"Manong, ito ho ang bayad!"
Nagmamadaling bumaba si Aymee mula sa tricycle na halos ipagpilitan niya sa drayber kanina na paharurutin na. Dahil nakita naman ng driver ang pagmamadali niya, ay binilisan na lamang rin nito ang pagmamaneho. Kung saan-saang daan pa nga sila sumuot para lamang maiwasan ang mga nadaraanang trapiko.
"Ineng iyong sukli mo—"
Hindi na niya nakuha ang sukli at nagmamadaling nagpunta sa departure area na nabanggit din sa kaniya ni Aling Marina kanina. Hindi magkandamayaw ang pakikipagsiksikan niya sa mga tao, at hindi na nga mabilang na 'excuse me po' ang kaniyang nasabi. Akala niya ay kokonti na lamang ang tao pagdating niya sa departure area, ngunit nagkamali siya. Kabaliktaran iyon, at mas lalo pa ngang dumami ang tao roon. At hindi lamang iyon, dahil kilala niy
