"Aymee, paano ba iyan? Aalis na kami. Mangaki ka sa akin, na pagpatak ng alas otso ng gabi, isara mo na ang tindahan. Huwag ka mapapapasok ng hindi mo kakilala kahit anong mangyari ha?"
"Tiya, ako pa. Para namang hindi ninyo ako kilala. Syempre hindi ako magpapasok nang kung sinu-sino. At saka, huwag ka nang mag-alala dahil isasara ko nang maaga ang tindahan."
"E nag-aalala lang naman ako dahil maiiwan kang mag-isa." Hindi pa nakaaalis ng bahay ay bakas na ang pag-aalala sa mukha ng kaniyang tiyahin.
Araw na naman iyon ng Biyernes. Tatlong araw na ang nakalipas magmula nang kumain sila sa labas ni Jomar. Pakiramdam niya ay kay bilis ng mga nakalipas na araw.
Ang Tiya Baby naman niya ang mawawala nang ilang araw dahil doon ito matutulog sa bahay ng biyenan nito, kasama sina Lovely at Ti
