"Bakit ganyan ka makatingin?" Napapasulyap-sulyap na sabi ni Brayden kay Aymee. Mabilis din niyang ibinalik ang tingin niya sa kalsada. Napansin kasi niyang halos hindi na inaalis ng dalaga ang tingin nito sa kaniya.
Kasalukuyan silang nasa loob ng minamaneho niyang sasakyan at hinahanap ang kaniyang kapatid pati na rin ang mga kaibigan nito. Ilang beses na niya itong tinawagan ngunit hindi ito sumasagot. Nakailang padala na rin siya ng mensahe rito.
Alam naman niyang mas gustong makasama ng kapatid niya ang mga kaibigan nito. Naiintindihan naman niya iyon dahil mas close si Katie sa mga kaibigan nito at sa katunayan, kung wala ngayon si Aymee sa tabi niya ay kanina pa niya hinayaan na lamang ang kapatid na. mag-celebrate kung saan nito gusto. Baka kanina pa siya umuwi.
Kaya nga lamang
