(TEMPARA’S POV)
Kitang-kita kong biglang naningkit ang mga mata ng lalaki at kulang na lang ay ihampas ako sa gate. Gosh! Totoo ngang nasa harapan ko ngayon si Sir Fedelo.
“Hey! Bitawan mo siya!” narinig kong sigaw ni Pedro. Ngunit marahas na lumingon si Sir Fedelo kay Pedro.
“Gusto mong mamatay bakla?” pasinghal na tanong ng lalaki sa kawawa kong kaibigan.
Kaya kahit hawak-hawak ni Sir Fedelo ang aking leeg ay pinilit kong lumingon sa lalaki. Nag-aalala kasi ako na baka ito ang balingan ni Sir Fedelo.
“Umalis ka na bestie. Ako na ang bahala rito,” pagtataboy ko sa lalaki. Kitang-kita ko naman ang pag-aalala niya sa akin. Ngunit marahan akong tumango sa aking kaibigan. Upang ipahiwatig na huwag akong alalahanin. Kaya kahit nag-aalala ang lalaki sa akin ay nagmamadali itong umalis
