Agad nang ibinagsak ni Chris ang hawak niyang saklay sabay lakad niya para salubungin ang umiiyak at tumatakbong si Mikael.
“Daddy!” tawag nito sa kanya na naghalo na ang sipon at luha sa madungis nitong mukha.
Agad nang tumakbo ang driver niyang si Edmar para kunin si Mikael at nang sa wakas ay nahawakan na nito ang anak niya ay tumalikod na ito agad sa uncle niya habang yakap ang anak niya.
Ngunit kasabay ng pagtalikod ni Edmar ay tumawa ng malakas ang uncle niya at binaril nito ng dalawang beses si Mikael at si Edmar.
He knew it. Hindi talaga tutupad sa usapan ang uncle niya. Tagos hanggang buto na yata ang kasamaan nito dahil na rin sa pagdodroga kaya marahil ay wala na talaga itong balak pang magbago kahit kaunti.
Nagsimula ang nakakabinging tunog ng magkakasunod na putok ng bari
