“Sweetheart, wag ka muna kayang pumasok sa trabaho bukas? You need to take a rest.” Nag-aalalang sabi niya kay Chris isang Martes ng gabi.
Lately ay napapansin niyang napapadalas ang pananakit ng ulo ni Chris. Umiinom naman ito ng gamot ngunit madalas ay bumabalik pa rin ang pananakit ng ulo nito.
Noong una ay hindi nito iyon sinasabi sa kanya para di siya mag-alala ngunit di nagtagal ay napapansin niya na ang laging paghawak nito sa sintido sa tuwing magkasama sila hanggang sa sinabi na nito sa kanya.
Marahil ay nai-stress na ito sa dami ng trabaho isama pa ang paghahanap pa rin nito at pag-iimbestiga sa pagkamatay ng kuya Raf niya. Tapos nag-aalala pa ito sa kaligtasan ng buong pamilya nila.
Gustuhin man niyang tulungan ito ay wala naman siyang magawa, at napagdesisyunan na rin nila
