Napalunok si Ricky ng laway nang susian na ni Andrea ang kanilang room. Binuksan ito ng dalaga at bumungad sa kanila ang hindi kalakihang kwarto ngunit napakaayos ng mga narito. Mula sa mga unan, sa lamesa, sa upuan. May isang maliit na TV sa harapan ng kama at mabilis na binuksan ni Andrea ang aircon matapos ilapag sa ibabaw ng lamesa ang dala niyang gamit. Ganoon nga rin si Ricky na sumilip din sa banyo at nagulat din siya sa ganda at linis doon. May shower, at bath tub doon. May dalawang towels at mga sabon at lotions.
“Uy, pwede iuwi iyong sabon dito ano?” pabirong tanong ni Ricky sa dalagang kasama.
Napatawa naman si Andrea sabay sabing baliw sa binata.
May isang pinto sa kabila at binuksan nila iyon at may isang maliit na terasa roon na may mesa at upuan. Sa pwestong iyon
