THIRD PERSON'S POV
"PLEASE OBSERVE her within twenty four hours, kapag hindi pa siya nagising, call me right away, you understood?"
Tumango-tango si Sehun sa kausap na si Doktor Samaniego. Sinabi nito sa kaniya ang mga dapat na obserbahan kay Imee. Maging ang mga gamot na ipapainom sa dalaga sa oras na magising ito at ang mga nakatakdang oras ng pag-inom ng mga gamot na iyon. Hindi rin nakaligtaan ng doktor na paalalahanan siya at nagbilin ng mga dapat niyang gawin habang hindi pa gumigising ang dalaga.
Nakinig naman nang mabuti si Sehun para sa kaligtasan ni Imee ngunit hindi pa rin nababawasan ang pag-aalala niya para sa dating kasintahan at ngayon ay matalik na niyang kaibigan. Hindi niya alam ang gagawin niya kung sakaling mawala ito sa kaniya. Alam niya ang mga pinagdaanan nito at
