ANNIE'S POV
Pumasok ng restaurant si Arabella halos mabali ang leeg nito sa kakatingin sa loob. Mukhang may hinahanap. Pumasok agad sa isip ko hindi kaya ang honey ko ang hinahanap niya? Pero bakit sabi niya walang may makakilala sa amin rito. Bakit nandito tong babae na to? Yumuko ako konti para hindi ako makita. Pero huli na. Naglalakad na siya papunta sa kinaroroonan namin. Habang ang honey ko ay busy sa kakapili sa menu na hawak niya. Natigilan na lang ito ng biglang tumabi si Arabella sa kinauupuan niya at hinalikan ito sa pisngi.
"I’s, nandito ka na pala! Bakit hindi mo man lang ako tinawagan? Kanina pa ako naghihintay ng message mo!"
Natigilan ang honey ko at napatingin sa akin, para bang sa mga mata niya ay kita ang gulat at pagtataka—halatang hindi niya alam kung ano ang unang
