الفصل السادس

1465 Words

# # # # # # # # شريف : انا اسف يجدى جدى : انتو ايه رايك يعادل انا : الى انت شايفه يجدى انا مقدرش اقول حاجة بعد قولك سما : الى انت شايفه يجدى بس انا شايفة ان احنا لو خدنا املاك هنعمل مشاكل فى العيلة وانا مش عاوزة كدا وخرج كلم المحامى وبعدها بربع ساعه دخل المحامى سلمنا الفلوس بيتكتب وفلوس كانت حوالى ٦٠ مليون دولا كان نصيبى منهم ٤٠ مليون وطلبت من المحامى انو يفتح حسابين بره مصر ويحول عليهم الفلوس بتاعتى انا واختى بعد مخدنا الفلوس جدى طلب منى انى اخش معاه المكتب عشان عاوزنى جدى : انا تامر حكالى على كل حاجه انا : ازاى جدى : ههه وانت فاكر ان تامر هيخرج ناس من غير امرى وبعدين هو كان خايف عليك الراجل الى انت شغال معاه يبنى هو نفس الراجل الى قتل ابوك وامك انا بصدمة : انت بتقول ايه يعنى ابويا وامى ماتو مقتولين وازاى انت مجبتش حقهم لحد دلوقتى جدى : بص يبنى فى حكايه قديمه عن عليتنا ان فى واحد من الجن بيختار شخص من العيلة ويبقا معاه والشخص دا كان ابوك والجن دا اختارك انت من بعد ابوك وكان رافض ان حد من العيله يقرب للى قتل ابوك وامك عشان انت الى تجيب حقهم وراح ناحية ركن فى الاوضة والحيطة اتحركت وفتح خزنة كانت موجوده جوه الحيطة وجاب منها سلسله وقالى اول متلبس السلسة دى هتعرف تتكلم معاه انا : ماشى يجدى بس انا عاوزك ترفع المراقبه من عليا وانا عارف ان تامر مقلش ليك حاجه بس عاوز واحد من رجالتك يكون معايا عشان يعمل الى انا عاوزه جدى : ماشى وادانى السلسه اول ملمست السلسله حسيت بحاجه غريبه بس متكلمتش مع جدى وطلبت منو انى امشى خرجت بره لاقيت تامر مستنينى وواصلنى لحد البيت وانا نازل تامر قالى تامر : انا عملت الى عليا وعلى فكره كانو هيغدرو بصاحبك بس رجالتنا ادخلت انا : شكرا يتامر وتامر سبنى ومشى دخلت البيت لاقيت حسام قاعد وخايف انا : ايه الى حصل يحسام حسام : كانو ناوين يغدرو بينا بس فى رجاله نزلت من الجبل وض*بت عليهم نار وخدو البضاعه وادونا الفلوس وماندو كلمنى قالى انو لازم نرجع بكره انا : ماشى جهز نفسك هنرجع بكرة طيران حسام : ازاى واحنا معناش فلوس نركب طيران انا : يعم انت بتتكلم مع عادل الرسام دلوقتى يعنى سلطة وفلوس حسام : هو انت طلعت من عيلة الرسام انا : اه حسام : طب وخالتك كانت مخبية عليكو ليه انا : معرفش انا داخل انام وانت كمان خش نام عشان عندنا سفر الصبح يترا ايه الى هيحصل فى الايام الى جايه مع عادل وليه خالته خبت علية حقيقت عيلة ابوه وهل حسام هيكمل فى الطريق الى هو ماشى فيه ولا لا دا الى هنعرقة الاجزاء الجايه الجزء السادس معلش يشباب بس انا عاوز اعمل تعديل فى عمر منى انا قلت قبل كدا انها ١٩سن بس لا هى١٧ قد عادل نمنا وصحينا تانى يوم كل واحد دخل خد دش وغيرنا هدومنا وخرجنا جبنا فطار وقعدنا ناكل وبعدها لاقيت جدى بيتصل عليا بيقولى فى عربيه هتيجى تاخدك من البيت انت وصاحبك وتجبكو على القصر دخلنا لامينا هدومنا فى الشنط وبعدها جه واحد من الحرس بتوع جدى خدنا القصر شريف : ايه الى انتو جايبينو معاكو دا انتو هاتعيشو هنا ولا ايه انا : دى حاجة متخصكش ونصيحة مالكش دعوة بيه شريف : ليه يعنى هتاكلنى انا : لا هزعلك وهزعلك جامد كمان شريف : انا بقا عاوز اشوف هتزعلنى ازاى ولسه هروح اتخانق معاه لاقيت عمتى ريم واقفة قدامى وبتقولى خلاص يعادل متشغلش بالك بيه وتعاله معايا نروح لجدك المكتب وقالت لتامر ياخد حسام ويقعده بره واحنا رايحين المكتب كانت اختى نازله من فوق على الصوت سما : عادل انت كنت بتزعق ليه ريم : كان بيتكلم هو وشريف سما : بس دى مش طريقة كلام دول ولا اكنهم كانو بيتخانقو انا : خلاص يسما انتى هتفتحى تحقيق المهم اطلعى لمى هدومك الى انتى جايبها معاكى عشان نرجع القاهرة ريم : ترجعو ايه انتو هتقعدو شويه كمان معانا ولو انت عاوز تمشى سما هتفضل هنا انا : طب بصى يعمتى انا همشى بس هاخد اختى معايا والى مش عاجبه يجى ورايا بس انا هروح اكلم جدى الاول وروحت سايبهم وماشى وسما طلعت تلم هدومها جدى : تعاله اقعد يعادل انا : نعم يجدى جدى : انا عرفت انك حجزت تلت تذاكر طيران للقاهره ليه انا : عشان ارجع القاهرة انا واختى وحسام جدى : ليه مش عاوز تقعد معانا انا : انا عن نفسى عاوز اقعد هنا اطول فترة ممكنه بس انا عندى دراسه والمدارس هتفتح الاسبوع الجاى وانا عاوز الحق احجز دروس وارتب للسنه دى عشان السنه دى هتحدد انا هخش كليت ايه جدى : وانت عاوز تخش كليه ايه انا : هندسة جدى : طب مانت ممكن تخشها خاص انا : لا انا عاوز اخشها بمجهودى مش بفلوسى جدى : خلاص ماشى بس انا هبعت معاك واحد من رجالتنا يبقا معاك وراح منادى على واحد خرج من ركن ضلمه كان فى الاوضة وهو شاب من نفس عمرى تقريبا ومفهوش حاجه مميزه الشاب : اهلا يعادل انا على وهكون المسؤل عن حمايتك انت واختك انا باستغراب : بس انت عمرك صغير على دحك : مش بالسن يعادل ولو عاوز تتاكد اطلب اى حاجه وانا اعملهالك انا : بص تقدر تبقا فى القاهرة قبلنا على : بس كدا دى بسيطة انا : تمام ( انا كنت عاوز اشوف هو هيعملها ولا لاء وكمان انا هخرج من عند جدى على المطار على طول فا طبيعى الطيارة تكون اسرع من اى حاجه تانيه ) انا : ماشى يجدى انا همشى انا بقا عشان الحق الطيارة جدى : ماشى ولما وصلت عند باب المكتب جدى قال انت لبست السلسه ولا لسه انا : لا لسه وسبتو وخرجت لاقيت اختى جهزت شنطتها ونزلت ومستنيانى انا : يلا يسما هى : يلا واحنا خارجين اختى راحت تسلم على عماتى ولما راحت عند رنا رنا : بقولك يسمسمه فى جروب للعيله ايه رايك ادخلك فيه سما : امم ماشى رنا : طب هاتى رقمك ورقم عادل عشان ادخلو هو كمان سما : ماشى خدى وادتها الرقم وسبتها ومشيت خرجنا بره لاقينا حسام واقف هو وتامر وعلى ابن عمى حسين انا : يلا يبنى حسام : يلا على : ايه يعم مش هتسلم علينا ولا ايه انا : معلش يعلوه بس انا مبحبش الودعات بس هنتقابل قريب على : خلاص يعم لما انزل القاهرة هبقا احود عليك انا : تمام وانت يتامر هتنزل القاهرة امته عشان عاوزك تامر : هنزل بعد اسبوع عشان الكليه انا : ماشى اسيبكو انا بقا وخرجنا لقينا السواق الى جابنا من البيت مستنينا وخدنا ودانا المطار وركبنا انا واختى جمب بعض وحسام ركب جمب واحدة اكبر مننا بس بطل واختى حاطت راسها على كتفى ونامت وانا قاعد مركز مع حسام وهو قاعد يتكلم مع البنت الى جامبو وشوية لاقيت البنت قامت دخلت الحمام وانا رجعت ابص لحسام لاقيت البنت رجعت وبيتكلمو مع بعض وراح واخد رقمها واختى عملت انها صحيت وانا رجعت راسى لورى وعملت نفسى نايم بعد مخلصنا الرحلة ونزلنا من الطيارة ودخلنا الصالة بتاعة المطار لاقيت على جاى عليه وبياخدنى بالحضن وبيقولى دولا وحشتنى يراجل بقالى قد ايه مشوفتكش انا اتصدمت هو شاف كدا راح مميل على ودنى وقيلى مش قولتلك دى حاجه سهلة يلا فك وشك كدا عشان اختك وصاحبك ميلحظوش حاجه وراح سايبنى وماشى وهوماشى قالى هبقا اتصلك عليك نتقبل تانى روحت عمله براسى علامة انى موافق ورحنا خلصنا الاجرات وخدت اختى وروحنا وانا فى دماغى الف سوال دخلت اوضتى وقعدت افكر شويه وانا بفكر افتكرت السلسه والى قالو جدى قومت جبتها من الشنطة ولبستها حسيت برعشة فى جسمى كله ومرة واحده ظهر قدامى شخص طوله متوسط ولابس بدله شيك جدا بس عينه عامله زى عين القطط تحسها مشقوقه بالطول الجنى : اخيرا انا : انت مين الجنى : راح مشاور على السلسه وقالى انا الى كنت جوه وراح ضحك انا : طب انت اسمك ايه الجنى : الاسم الى انت عاوزه بس بطل تكتبنى جنى بس انا : ماشى ايه رايك فى اسم محمد الجنى : تقليدى اوى انا : ومحمود الجنى : لا برضو بص نادينى رحيم انا : ليه رحيم : اصل انا كنت بتف*ج على مسلسل رحيم وعجبتنى الشخصية دى اوى او اى اسم ممثل انافى دماغى : هو انا طلعلى جنى من عالم ديزنى ولا ايه رحيم : لا يظريف مش من عالم ديزنى وخلينا فى رحيم احسن انا : انا بقول كدا بردو بس انت ازاى عرفت انا بفكر فى ايه رحيم : معلش اصلى محسوبك عفريت انا : ماشى بس متقراش افكارى تانى رحيم : ماشى انا : انا عاوز اجابه لسؤال رحيم : عارف عايز تعرف ان حسام باعك ولا لاء انابغضب : هو انا مش قلتلك متقراش افكارى رحيم : لا هتغضب هسيبك وامشى وبعدين انا مقريتش افكار من بعد مانت قلتلى انا عارف من قبل متلبس السلسه انا : وعرفت ازاى هو مش انت مكنتش موجود قبل مالبسها رحيم : انا موجود معاك من ساعت مابوك وامك ماتو والسلسه مجرد اداة عشان تتواصل معايا وعلى فكرة انت ممكن تقلعها عادى وهفضل معاك # # # # # # # # # # # # # # #

Free reading for new users

Scan code to download app

App Store Google Play

Facebookexpand_more