TAHIMIK na hinila ni Nicholo si Berna, ang nasa mid-twenties na katulong ni Nana Senya sa pagluluto at paglilinis sa mansyon. Bakas sa mukha nito ang nerbyos habang hawak nito ang tray na may lamang isang baso ng maligamgam na gatas. Maingat niya iyong kinuha mula sa pagkakawak ng babae at ipinatong sa upuang nasa labas ng kuwarto ni Katarine.
“I-Ipapainom ko lang po sana iyan kay Gracie, Sir,” nangangatal ang boses na wika nito habang nakatingala sa kaniya hindi pa man ulit siya nagtatanong. Halata rin sa hitsura nito ang pagpipigil nito sa sariling maiyak.
Hindi nawawala ang pagkunot-noo niya at iyon marahil ang dahilan kung bakit ito na-intimidate sa kaniya kahit pa nga wala naman siyang ginagawa na dapat nitong ikatakot… maliban na lang kung may balak talaga itong masama at na-caught
