PABALIKWAS na bumangon mula sa pagkakahiga sa kama si Katarine nang ma-realize niya na wala sa tabi niya ang pamangking si Gracie. Lalong naghurumintado ang pagsasal ng kaba sa dibdib niya nang hindi rin niya matagpuan ang bata sa banyo. Nagsimula na siyang mag-isip nang kung ano-ano kaya agad niyang kinuha ang cellphone sa bed side table at saka kaagad na lumabas ng kuwarto.
Wala siyang sinayang ni katiting na sandali. Isa-isa niyang pinagbubuksan ang mga silid sa ikalawang palapag ng bahay habang tinatawag ang pangalan ni Gracie, subalit bigo siyang makita ito sa roon. Naiiyak na siya sa sobrang nerbiyos. Kagyat siyang tumigil sa paglalakad nang marating niya ang may punong-hagdan. She tried so hard to calm herself down. Alam niyang walang idudulot na mabuti sa sandaling iyon kung mauu
