CHARISE MARIE
Nasa loob na kami ng La Union Botanical at Zoological Garden. Ito na ang last stop namin bago kami pumuntang Bauang, La Union para sa sadyang Grapes Farm bago tuluyang umuwi pabalik ng Maynila. Kanya-kanya na kaming ikot at explore kung anong meron dito sa loob. Kasabay ko si Mylene habang naglalakad. Wala kaming specific na pupuntahan kaya tamang lakad lang kami tapos picture-picture sa bawat magandang spot na nadadaanan.
"Girl, tignan mo sa likod natin?" nakangiting saad ni Mylene sa akin.
Napilitan akong lingunin ang tinutukoy nito. Nakita ko ang grupo nina Evan, Lei at Brian na nakasunod sa likod namin. Ngumiti pa si Evan ng makita ako. Pero hindi ako nag-abalang tugunin iyon. Muli kong ibinalik ang mata ko sa dinadaanan namin.
"Tigilan mo nga ako," naiirita kong sa
