CHAPTER 54
Inaayos niya ang mga pagkain na dala ko sa lamesa. Nasanay na ako sa ginagawa niya na siya ang nag-aasikaso nito sa aking harapan.
Lumingon siya sa akin bago tinignan ako nang masama na may halong pagbabanta. Iyong tingin niya pa naman ngayon ay parang binabalaan ako na kung ano man ang maaari na sasabihin at tinatakbo ng isipan ko ay itigil ko na, ngayon pa lang.
Isinawalang bahala ko 'yon at mas lalong ngumisi nang nakakaloko. Hindi sapat ang mga tingin niyang iyan sa akin para lang tuluyan akong matakot sa kaniya.
This is my time to shine! Hindi ko hahayaan na hindi ako makaganti sa kaniya. Kahit ngayong araw lang na ito.
Lagi niya na lang kasi akong inaasar. Hindi ko siya magawang magantihan paano ba naman wala akong alam na kahit na anong kahinaan niya... pero ngayon
