CHAPTER 32
Natatawa akong nakatingin kay Cleo. Naglalaro kasi sila sa ibabaw ng tubig. Medyo malalim ang pwesto nila unlike sa amin ni Aera na hanggang binti lang ang tubig dito. Kaya kung nakaupo ka ay hanggang leeg na. Feeling mo na rin ay nasa malalim kang lugar.
Ayaw ko naman magpunta sa malalim. Hindi ako marunong lumangoy. Kahit na may swimming pool pa kami sa bahay. Eh, hindi naman ako naliligo roon.
Natawa ako nang bumagsak sa tubig si Vince. Nakasakay kasi siya kay Harvey habang si Cleo naman ay nakasakay kay Nico. Tulakan ang peg ng laro nila. Ang unang bumagsak sa tubig siya ang talo. Hindi ko nga alam kung anong tawag sa nilalaro nila na 'yon, eh.
"Rizel," tawag sa akin ni Aera.
"Hmm?" sagot ko.
Hindi pa rin ako lumilingon dito. Nakatuon lang kasi ang atensyon ko kanila
