"HAHAHA!" Tawa ng isang siraulo sa gilid ko.
Tinignan ko ito nang masama mas lalo lang itong natawa. Kulang na lang ay lumuwa ang ngala-ngala niya at malunok niya ang isang buong truck.
Natapilok kasi ako dahil sa suot kong heels. Hindi pa naman ako sanay na magsuot ng mga ganitong klaseng bagay. Kailangan kong masanay na magsuot ng heels ngayon dahil nga sa susunod na buwan na ang JS Prom namin. Nakakahiya naman kung flat shoes ang gagamitin ko.
"Anong tinatawa-tawa mo d'yan?" nababanas kong tanong.
"You look stupid."
Ano raw? Bangasan ko kaya bunganga nito? O kaya naman isaksak ko sa ngalangala niya itong takong ng heels na suot ko?
Ano ba kasing ginagawa ng lalaking 'yan dito? Simula noong isang linggo naging hobby na ng Harvey na 'to na tumambay sa bahay namin. Hindi ko nga alam
