"Carla?"
"Darcy, kanina pa kita inaabangan." Bumitaw na siya sa akin bago tumingin sa paligid.
"Okay lang naman na kausapin ka rito, hindi ba? Hindi naman siguro magagalit si Attorney Simon."
"Hindi. Hindi naman. Sabi mo kanina mo pa ako inaabangan. May problema ka ba? May gusto ka bang sabihin sa akin?"
"Oo sana, Darcy. Pwede ba tayong pumuta sa hindi mataong lugar para makapag-usap tayo? Marami akong gustong sabihin at itanong sa'yo," pakiusap niya.
Nakakaintinding tumango ako sa kanya. Alam kong marami akong naging pagkukulang at pagkakamali sa kanya. Oras na rin para magkaliwanagan kami.
"Sige, Carla. Oras na para maipaliwanag ko ang lahat sa'yo. Unang araw naman ng pasukan kaya siguradong meet and greet lang ang mangyayari sa mga klase natin," pagpayag ko sa kahilingan niya.
