"DAPAT NA KAYONG kayong makasal sa lalong madaling panahon. Gumagamit ba kayo ng proteksyon? Kung hindi, malaki ang tyansa na mabuntis si Louisse. At ayaw kong maipanganak ang apo kong bastardo. Ang ipinagtataka lang namin kung bakit kailangan niyong ilihim saamin ang relasyon niyo. Hindi naman kami tatanggi. Nasa tamang edad na kayo at kung inaakala niyong tututol kami dahil sa pagitan ng edad niyo ay hindi naman mangyayari," kunot noong dagdag pa ni Mr. Rosselli.
Gustong sumigaw ni Louisse. Gusto niyang magwala. Sabihing walang dapat ikasal. Pero tila napipi na siya at hindi niya alam bakit hindi niya kayang magsalita ng ganoon sa harap ng magulang ni Elkanah.
"Ambrose, pare, ipakakasal natin ang mga bata. Huwag ka nang magalala pa. Hindi ko rin ito-tolerate ang aking anak na iwan ang
