TALIWAS SA INAASAHAN ni Louisse ang nangyari ngayong unang araw. Ang inaasahan niyang tutuksuin, kutyain at paguusapan siya ng mga kaklase niya ay hindi nangyari. Bagkus, ginawa pa siyang halimbawa ng mga naging professor niya na hindi kailanman naging hadlang ang edad upang bumalik sa pagaaral at abutin ang pangarap.
Pulos bata rin ang mga naging kaklase ni Louisse at tantiya niya ay mga kasing edaran lang ni Elkanah. Sabagay, kung hindi naman naaccelerate ang binata sa pagaaral ay malamang College pa ito ngayon. Mabait din naman sakaniya ang mga kaklase niya.
Block section siya at kaunti lamang ang babae sa population ng kurso niya. Pauwi na siya nang sumabay sakaniya ang iba niyang kaklase. Hindi naman niya minasama 'yon.
"Taga saan ka, Louisse?" Tanong ng kaklase niyang si Lawrence
