NASA SALA na sila. Binigyan din sila ng oras ng mga ito para makapagbihis. At ngayon ay seryosong seryoso ang mukha ng mga ito na nakatitig sakanila. Magkatabi sila sa couch ni Elkanah, samantalang ang kapatid naman at asawa nito ay nasa harap nila. Idagdag pa ang magulang ni Elkanah at ang isang binatilyo na palagay niyang nakababatang kapatid ng binata.
Pakiramdam tuloy niya ay nasa husgado sila na nakatakdang litisin. Ni wala man lang ngumingiti sa mga ito. Nagsisimula na siyang pagpawisan ng malapot.
Ngumuso sakaniya ang Ate niya. "Huy, kinakausap ka. Ibigay mo raw ang mga dokumentong kakailanganin sa pagpapakasal mo," mahinang sabi nito sakaniya.
Sukat doon ay nabalik siya sa realidad. "Kasal?!" Eksaheradong sigaw niya. "Bakit hindi nalang kayo ni Kuya Ambrose ang magpakasal tutal
