THIRD PERSON'S POV
TULALA lang si Rica Belmonte habang umaandar ang sasakyan na lulan nila. Kahit gusto niyang umiyak ay walang luha na pumapatak, pakiramdam niya ay naubos na iyon sa araw-araw at gabi-gabi niyang pagmamakaawa na sana ay bumalik sa kanya ang dating lalaking minamahal. Na sana ay magbago ng isip nito at piliin sila ng kanilang magiging anak. Na sana ay nagbibiro lang ito nang sabihin na ayaw nitong maging ang ama pa. Na sana ay bawiin nito ang masasakit na salitang sinabi sa kanya.
Ngunit nang marinig niya ang lahat ng mga sinabi nito habang nasa loob sila ng van na sinasakyan at nagtatago, hindi niya maiwasan na masaktan nang lubos.
Mahal na mahal niya si Zairon.
At wala siyang ibang iniisip sa relasyon nila kundi ang makasama ito habang buhay, gaya ng ipinangako sa ka
