Hindi ko alam na ngayon pala ang uwi ng pangalawang asawa ni mama. Hindi man lang sa akin sinasabi nitong si mama, mabuti nalang talaga at nakapaglinis na ako at nakapagluto na.
"Tito, di ko po alam na uuwi kayo?" Tanong ko
"Ah, oo nak! Dalawang araw lang naman ako at aalis din ako kaagad, asan na ang mama mo?"
"Ah, ayun po pinaparada na naman ang apo niya. Ha ha" sabi ko, "hahainan ko na kayo tito gusto niyo na po kumain?"
"Maghain ka na, nak! Maliligo lang ako, baka umuwi na rin ang mama mo para sabay sabay na tayo kumain"
"Sige po, tito" sabi ko at nginitian ko siya
Matagal tagal na rin si tito warren sumasampa sa barko, sa sobrang dalas pa nga niyang sumampa ng barko ay nalulungkot na si mama kaya naman simula ng tumira ako dito ay tuwang tuwa si tito warren at saka may bago n
