الحلقة السابعة

2071 Words

الحلقة السابعة لم تستطع الرفض مطلقا فهى تساعد من يحتاج المساعده وتقظم يدا العون له وخصوصا اصدقاء الدراسه لتبتسم بمحبه ..... حاضر ياسهى أنا لما أن شاء الله لما أروح البيت هتكلم مع دادى وأكيد هتشتغلى معانا أن شاء الله هتصل بيكى ياريت تسيبى رقمك للسكرتيرة وأنتى خارجه علشان أبقى أكلمك ابتسمت بخبث ومكر سهى ..... طبعا طبعا ربنا يخليكى يارب ويكرمك ويحفظك و..... اسيل..... خلاص ياسهى أنا عندى شغل سهى ..... اه اه أنا أسفه معلش أنا هسيب الرقم عند السكرتيرة برا خرجت سهى واعطت رقمها لسكرتيرة أسيل زفرت أسيل بضيق فهى تعلم أنها قد حوت حيه تستعد لبخ سمها قريبا وهى تعلم أنها قد تؤذيها لكن لا تستطيع رفضها فهى تعلم جيدا حالتهم المادية أسيل..... لسه زى مأنتى ياسهى بدورى على مصلحتك وبس ربنا يستر رن هاتف مكتبها تلقت أسيل المكالمه كان والدها يخبرها بميعاد ذهابهم إلى المنزل لتجيب الهاتف..... ألو مين رسلان..... حبيبت بابا خلصت ولا لسه لتبتسم بمشا**ة ..... لا طبعا خلصت ياله من أحلى دادى فى الدنيا ياله بينا عشان نلحق نصلى المغرب فى البيت رسلان ..... لمى حاجتك وتعالى ننزل سوا اسيل ...... اوك جمعت أسيل اشيائها ووضعتها فى حقيبة يدها وذهبت بأتجاه مكتب والدها تدق الباب وتستأذن بالدخول أسيل ..... ممكن أدخل رسلان ..... طبعا ياحببتى تعالى أسيل ..... ها انا جهزه حضرتك جاهز رسلان ..... طبعا ياله بينا خرجوا معانا واتجهوا إلى جراح خارج الشركة صعدوا إلى السيارة اسيل ...... أحم احم دادى كنت عايزة اطلب منك طلب رسلان ..... أطلبى ياحببتى خير اسيل...... النهاردة جاتلى سهى اكيد جضرتك عارفه رسلان ..... امممم اه مش ديه البنت إلى كانت دايما تعمل مشاكل فى المدرسة معاكوا ولما والدها مات راحت مدرسة حكومه تقريبا اسيل ..... أيوه يادادى هى بس إيه ماشاء الله ذاكرتك قويه جدا رسلان ..... ههههههه ده حسد بقى اسيل..... لا والله المهم هى اتخرجت من كليه تجارة ومش لاقيه شغل وطلبت منى اتوسطتلها عند الله حضرتك عشان تشتغل إيه رايك رسلان ..... أنتى إيه رايك واثقه انها هتشتغل ولا هتفتعل المشاكل اسيل .... والله يادادى مش عارفه أحنا ممكن نجربها شهر او اتنين ونشوف رسلان ..... خلاص ياحببتى اللى تشوفيه كلمى Hr بكرة وخليهم يعينوها بس خلى عينك عليها اسيل .... ميرسى يادادى حاضر هاخد بالى منها ووضعت قبله على يده وصلت السيارة إلى القصر ترجلا منها دلفت أسيل إلى الداخل لتستقبلها والدتها وتقبلها ولتصعد إلى غرفتها لتأخذ حماماً دافئاً وتتوضأ لتؤدى فرضها ونزلت لتتناول طعام العشاء مع عائلتها تحدثه مع والدتها قليلاً وصعدت لتنال قسطاً من الراحة والنوم كادت أن يغلبها النعاس حتى رن هاتفها ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ ظل يجوب غرفته ذهابا ايابا يريد سماع صوتها لكن كيف سيهاتفها بأى حجه وماذا يخبرها ظل يفرك انامله بتوتر حتى التقط هاتفه تتفاجأ أسيل برقم عمرو على هاتفها لتجيب بصوت ناعس .... ألو هاى عمرو عامل إيه عمرو .... هاى أسيل واضح أنى أزعجتك وصحيتك من النوم أنا أسف وتتابع حديثها قائلة ..... لا ولا يهمك أنت عامل ايه واخبارك ايه عمرو ....عامله إيه أنا كويس الحمد لله أنتى أخبارك إيه وأخبار شغلك إيه اعتدلت أسيل فى جلستها واسندت ضهرها على وسادة الفراش أسيل ...... الحمد لله كله خير وتمام وأنت عامل إيه عمرو....... أنا الحمد لله تمام كله ماشى زى الساعه أنا بس كنت بطمن عليكى عملتى إيه فى الشغل أسيل ..... تمام الحمد لله كله بخير عمرو ..... يعنى أخدتى وضعك أسيل ..... اه أخدت وضعى الحمد لله عمرو هو فى حاجه خلتك تتصل بيا عمرو.... لا بس انا كنت حابب أطمن عليكى وأسمع صوتك مش أكتر هو أنا ضايقتك أسف والله أسيل......لا خالص مش مضايقه ولا حاجه انا مبسوطه أنى سمعت صوتك عمرو .... طب أنا مش هطول عليكى عشان أنا عارف أنك تعبانه من الشغل تصبحى على خير اسيل .... تصبح على خير ياعمرو اغلق عمرو الهاتف وهو فى قمة سعادته أنه هاتفها وسمعت صوتها العذب لكنه لا يعرف بأى حجه سوف يعاود الأتصال بها مرة أخرى فهو يشعر بشئ يكبر بداخله اتجاه أسيل تدق والدته باب غرفته وتدخل وتجلس على حافه الفراش أنجى ..... شكلك مبسوط خير فى إيه فرحنى معاك ولا عايز تفرح لوحدك مرر أنامله على خصلات شعره الناعم عمرو ....عادى يعنى ياست الكل انجى ..... بجد مع انى شكلك بيقول غير كده بس هعمل نفسى مصدقه كنت بكلم مين بقى عمرو .... أبدا أنا كنت بكلم اسيل وبطمن عليها مفهاش حاجه عادى بعنى حاول عمرو عدم كشف مشاعره أمام والدته لكنه لاحظت كم اعجاب أبنها ببنت صديقتها أنجى .... ماشى ياسى عمرو عمتاً هما عزمنا على العشا بكرة عندهم أوعى تتاخر فى الشركه انتفض عمرو وحثى على ركبتيه على فراشه بفرحة حاولت تخبئتها ليردف قائلاً ..... بجد أنتى بتتكلمى جدا ياماما انجى ..... اه والله فى ايه مالك انت اتجننت ولا اتكهربت هههههه يعتدل عمرو مرة أخرى ويستلقى على فراشه عمرو .... لا خالص أنا بس مبسوط أنى هشوفهم تانى أنجى ..... أمممممم مبسوط بردوه أنك هتشوفهم ولا مبسوط انك هتشوف أسيل لم يتفوه بكلمه فاكتفى بأبتسامه خفيفه فمشاعره تكشفه دائما تقذفه والدته بهاتين الكلمتين وتخرج من غرفته وتغلق الباب خلفها وتتحدث لنفسها .... يارب يكون اللى فى بالى صح يسعد عمرو بسماعه عزومه العشاء ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ تدلف انجى إلى غرفتها وتجد زوجها حسام والد عمرو جالساً بالفرندة الخاصه بغرفتهم تخبره بما شعرت به من مشاعر ولدها حسام .... كنتى فين يا أنجى كل ده أنجى ..... كنت عند عمرو فى أوضته أنا عايزة اقولك على حاجه حسام ..... خير ياحببتى قولى أنجى .... أنا حسه أنى عمرو معجب بأسيل أوى حسام ....ياريت والله أسيل بنت محترمه جدا ومتربيه كويس ومتعلم تعليم مفيش بعد كده وكفايه أنى أبوها صديقى من زمان اوى ومش هيمانع خالص أنى عمرو يتجوز بنته أنجى ... والله أنا نفسى أنها تكون من نصيبه وتكون زوجه صالحه ليه وتكونولوا منها ذريه صالحه حسام ... أدعيله أنتى بس صحيح بلغتيه بالعزومه بتاعت العشا بكرة عشان يجهز نفسه أنجى .... أه قلتله وباين عليه أنوا مبسوط أوى وفرحان ويارب يقرب بينهم أوى وفرح بيه قريب واشوف والدهم بيجروا حواليا حسام ....ههههههه متستعجليش أوى كده يمكن مفيش حاجه بينهم وانتى بتكبرى الموضوع أوى أنجى ..... لا أنا عارفه انا بقولك إيه ده إبنى وأنا متاكده انوا فى حاجه جواه وبيحاول يخبيها ناحيه أسيل من يوم ماشفها وهو مبطلش كلام عنها وسال عن اخبارها واهه كا بيكلمها النهارده فى التليفون دلوقتى حسام .... بردوه متستعجليش وسيبى كل حاجه تمشى زى ماربنا عاوز أنجى ....والله انا نفسى أفرح بيه ويلاقى اللى هتسعده مش أكتر حسام ..... ان شاء الله ياحببتى أدعيله أنتى بس أنجى ..... دعياله على طول أنا أول مرة أشوف الفرحه فى عينه أنت عارف انا كنت عارف أنت كنت على طول بوريه صور بنات من أصدقائنا عمره ماهتم زى دلوقتى ولا شغت النظرة ديه فى عينه يارب تقرب بينهم ظلت أنجى تدعى ربها لاجل ابنها ومن أجل سعادته ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ أستقظت أسيل باكراً كعادتها أدت فرضها وارتدت ملابسها وهبطت إلى حديقة منزلها لتناول طعام الأفطار مع والديها جلست بالقرب من والدتها وشرعت فى تناول الطعام بينما بدات والدتها بالتحدث ..... أسيل ياحببتى ياريت تخلصى شغلك بدرى النهارده وتيجى على طول لترتشف بعض قطرات الشاى وتسأل والدتها ... خير يامامى فى إيه لتجيبها بأبتسامة هادئة...... عشان عندنا ضيوف على العشا النهاردة وعايزاكى تستقبليهم معايا وتجهزى معايا كل حاجه لتعجب وتتابع ..... ضيوف ! ضيوف مين يامامى جيهان ..... طنط أنجى وجوزها وابنها عمرو لتتبدل ملامحها بسعادة وتتورد وجنتيها باللون الأحمر سوف تراه مرة أخرى أسيل ..... حاضر حاحاول اخلص شغل بدرى جيهان .... أسيل اوعى تتأخرى زى كل يوم أسيل ...... أوك يامامى متقلقيش هاجى بدرى أن شاء الله رسلان ..... أسيل ياله حببتى بينا عندنا النهاردة أجتماع مجلس أدارة وعايز أعرفك على أعضاء المجلس وبلغهم أنك المدير التنفيذى للشركه وانك هتبقى العضو المنتدب تبتسم أسيل وتخرج ه ووالدها ويتستقل كلا منهم السيارة سوياً أسيل ..... ياريت يابابى تبلغهم يجبولى العربية على الشركه عشان هرجع بدرى رسلان ..... مفيش مشكله خلى السواق يوصلك ويبقى يرجعلى ومن بكرة أبقى أركبى عربيتك تومأ رأسها بالموافقة تصل السيارة إلى مقر الشركة يترجلا منها دلفا إلى الشركه وصعدا إلى غرفة الأجتماعات ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ تفاجأ الجميع بدخول أسيل بر فقة والدها لتجلس بالقرب منه ليقف هو ويبدأ حديثه .... السادة أعضاء مجلس الأدارة المحترمين أنا حابب أعرفكم على بنتى أسيل المدير التنفيذى الشركه والعضو المنتدب وطبعا هى درست فى لندن وبقت من انجح الموظفين وأكفأهم أتفضلى ياأسيل لتبتسم لوالدها بمحبه..... أنا بشكرك رسلان بيه على ثقتك بيا ويارب أكون عن حسن ظنكوا أكملوا الاجتماع وبعد الانتهاء اتجهت أسيل لمكتبها وهى تشعر بالتعب والارهاق تدخل خلفها السكرتيرة الخاصه بها مها وتخبرها باحضار النسكافيه والاتصال بسهى أسيل .... مها ياريت تبعتيلى نسكافيه واه بلغى انسه سهى انها اتعينت عندنا وخليها تيجى بكرة تقابل مدير HR عشان تستلم الوظيفه مها ..... حاضر يافندم تأمرينى بحاجه تانيه أسيل .... لا يامها أتفضلى انتى تنتهى أسيل من عملها قبل ميعادها تستقل سيارة والدها وتذهب ألى القصر لأجل عزومه العشاء جيهان ..... حمد الله على السلامه ياحببتى أسيل .... الله يسلمك يامامى جيهان .... مالك شكلك تعبان ومرهق اسيل .... أه فعلا الاجتماع كان طويل ومتعب انا هطلع انام شويه وبعدين ابقى اجهز جيهان ..... مش هتتغدى معايا أسيل .... لا أنا أكلت ساندوتش فى الشركه انا محتاجه انام وارتاح جيهان ..... ماشى ياحببتى اطلعى ريحيلك ساعتين تصعد أسيل لغرفتها تاخد حمامها وتتوضئ وتؤدى فرضها وتنام لتنال قسطا من الراحه ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ وبعد عدة ساعات توقظها جيهان وتبلغها بتجهيز نفسها تستيقظ أسيل وتبدأ فى تجهيز نفسها ترتدى فستان باللون الأبيض مزرقش ببعض الون الأحمر وترتدى كوتشى باللون الأبيض فهى تكره لبس الكعب العالى ب وتطلق العنان لشعرها لينسدل على أكتافها وتضع بعد لمسات الميك اب مما يبرز جمالها تهبط الدرج وتقف بجوار والدتها لاستقبال الضيوف يحضر الضيوف ويتم أستقبالهم ويجلسون معا حتى يتم تجهيز العشاء رسلان ..... أزيك ياحسام والله نورتنا حسام ....... ده نوركم أنتوا اخبارك إيه رسلان .... بخير الحمد لله وانت حسام ..... تمام والله انجى ... عامله إيه يااسيل وحشانى ياحببتى أسيل .... الحمد لله ياطنط كويسه انجى .... يارب دايما ياحببتى جيهان .... ياله أتفضلوا العشا جاهز جلسوا معانا على مائدة الطعام وشرعوا فى الأكل والتحدث سوياً ويضحكون حتى أنتهاء العشاء خرجت أسيل مع عمرو للحديقه وجلسوا على طاولة امام المسبح ظل إلا يختلس النظرات لها لتخفض رأسها بخجل وتورد وجنتيها باللون الاحمر أسيل ..... فى إيه ياعمرو مالك بتبصلى كده عمرو ..... بصى بقى بصراحه انا من ساعت ماشفتك وأنا معجب بيكى ومشدودلك وعايز أكلمك كل يوم وبقيت متلخبط مش عارف اشتغل ولا اعمل حاجه أسيل ...... أنا بصراحه مش لقيه كلام أقوله ياعمرو بس خلينا نعرف بعض أكتر ونقرب من بعض أكتر خلى الأيام تقرب مابنا والظروف هى اللى. تقرب وتحكم مابينا ليردف قائلاً...... ولو قلتلك أنى متأكد من مشاعرى جدا ومش عايز حاجة غيرك لتفرك اناملها بتوتر...... بس أنا مش عارفه بصراحة أنا كمان محتاجة شويه وقت أعرفك فيه وأعرف كل حاجة عنك عمرو..... وانا هريحك ياستى انا عمرو حسام عندى شركة مقاولات محترمة مهندس كنت من كليتى لبيتى ودلوقتى من شغلى لبيتى عمر محد قدر يخ*ف قلبى شوفت بنات كتير عمر ماقربت من واحدة منهم ولا فتحت قلبى لحد بس أنتى من يوم مخبط فيكى في النادى وأنتى لخبطى كيانى شدتينى خ*فتى قلبى بقيت عاوز اشوفك كل شويه وأسمع صوتك كانت تستمع له ويرقص قلبها فرحا فهى أيضا تشعر مثله تماما أخفضت رأسها لاسفل لتبتسم ب**ت ليرفع ذقنها بأنامله...... هاه هتدينى فرصة لتبتسم وتومأ رأسها بالموافقة ويمر الوقت عليهما تنتهى السهرة ويذهب حسام و عائلته وتصعد أسيل لغرفتها وتشعر بالصداع الفطيع تأخذ مسكن تبدل ملابسها وتستلقى على فراشها ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ كانت شارده فى كلام عمرو لها حتى تدق والدتها باب غرفتها وتدخل جيهان ..... لسه صاحيه ياحببتى ندردش مع بعض أسيل .... تعالى يامامى أنا لسه صاحيه جيهان .... منمتيش ليه بقى ياحببتى مع انك تعبانه أسيل ..... ابدا كنت بفكر شويه جيهان ..... اممممم فى إيه بقى حاولت أسيل الا تخبر والدتها بشئ وتغير الموضوع أسيل ...... عارفه يامامى مين جاتلى الشركه أمبارح وطلبت منى أشغالها جيهان .... مين ياقلب مامى أسيل .... سهى فاكراها البنت اللى كانت معايا فى المدرسه وكانت بتعمل مشاكل وبعدين سبتها جيهان .... اه مش ديه البنت اللى بابها اختلس فلوس ومات فى السجن إيه اللى فكرها بيكى ديه دلوقتى أسيل ..... عرفت أنى أنا رجعت وبشتغل مع دادى هى اتخرجت من كليه تجارة ومش لاقيه شغل كلمت دادى وقلى شغليها فى الحسابات وهتستلم من بكرة جيهان .... طب ياحببتى خلى بالك منها البنت ديه مش كويسه أسيل .... يمكن يكون ربنا هداها أنا عملت خير ومش ندمانه عليه جيهان ...... ماشى إيه رايك فى عمرو؟ اسيل.... إيه السؤال ده وليه جيهان .... لا بس أنا خدت بالى أنوا كان بيبصلك طول الوقت ومركز معاكى خالص أسيل .... ههههههه عمتاً هو أنسان محترم ويعرف ربنا كويس أوى وكمان مهندس شاطر أوى واهله ناس محترمين وأصدقائنا من زمان أسيل .... بس برده مستغربه من سؤالك يامامى جيهان وهى تبتسم أبتسامه خفيفه جيهان .... دلوقتى نامى شكلك مرهق تصبحى على خير تخلد أسيل إلى النوم ♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛♛ ياترى سهى هترد جميل اسيل ليها وأحمد لما يعرف انى اسيل بتحب عمرو أتمنى تناقشونى فى تعليقاتكم اشوفكم فى الحلقة الجاية #ميووش

Free reading for new users

Scan code to download app

App Store Google Play

Facebookexpand_more