ANGELO
PAGPASOK namin sa piitan ay sinalubong agad kami ng isang jail guard na naroon sa information desk.
Nakasuot si Padre Tiago ng kupas na maong, sandalyas na kulay brown at itim na kamiseta na hapit sa kanya. Nakasuot din siya ng sunglasses na hindi niya rin tinanggal kahit nakapasok na kami sa loob. Bitbit ko naman ang mga gamit niya sa isang itim na bag at nakasunod lang ako sa kanyang pupuntahan.
"Magandang umaga, padre. Ano pong maipaglilingkod namin sa inyo?" bungad ng isang jail guard na parang kilala na niya si Padre Tiago sa kanyang bungad pa lang.
Kung titingnan naman kasi talaga ay para talagang pari si Padre Tiago. Hindi nga ba?
Basta't para sa akin ay ang bango bango at ang linis linis niyang tingnan ngayong araw na ito.
"Narito ba si Jail Officer Macaraeg? Nais ko
