“SIGURADO ka ba dito?” tanong sa kanya ni Musika matapos niyang ibigay ang plate number ng kotseng napansin niyang sumusunod sa kanila kanina.
“Oo. Si Laya mismo ang naglista niyan.”
Kuyom ng mahigpit ang kamao, naluluha sa galit na tumingin sa kanya ang kaibigan.
“Kailan mo planong kumilos, Chad? Kapag may nangyaring masama na naman sa kanya? O kapag patay na siya?”
Lumuluhang sinandal niya ang likod ng ulo sa pader at tumingin sa kisame.
“Akala mo ba hindi mahirap sa akin itong ginagawa ko? Kapag kumilos ako, tuluyan mawawasak ang kaisa-isang pag-asang pinanghahawakan ko na maayos ang pamilya ko. Pero kapag wala akong ginawa, ang kaligtasan naman ni Laya ang sinasaalang-alang ko. Naiipit ako, Ikah!”
“Alam ko
