"We can talk tomorrow. You looked really tired."
Nang marinig ko ang boses ni Luther pagkapasok namin sa bahay nila Tangi ay nilingon ko siya. Pero tama ang sinabi niya, bukod sa antok ako ay nakakaramdam talaga ako ng matinding pagod. Masyado ko ata nagamit ang energy ko today. Kanina rin kasi ay pinasayaw ako ng pinasayaw ng mommy niya. Gusto pa makipag dance battle sa akin at nakakatuwa kasi todo bigay rin talaga ang Tita Cynthia.
"May pag-uusapan pa ba tayo?" tanong ko sa kaniya. Naramdaman ko naman ang paghawak niya sa kamay ko habang sinasabayan ako na maglakad. Hindi ko naman pinalis ang kamay niya, mag-iinarte pa ba ako?
Miss ko na nga rin siya. Saka kanina, naniniwala naman ako sa mga sinabi niya na tiniis niya lang rin ako at tiningnan kung ano ang gagawin ko. Kahit na nauwi
