" عشق بطعم العلقم " .
" بارت 26 " .
‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•‹•
" في الصعيد ' محافظة سوهاج ' " .
‹•‹•‹•‹•‹•‹•‹•‹•‹•‹•‹•‹•‹‹•‹•‹•‹•‹•‹•‹•‹•‹•‹•‹•‹
" في بيت زهوة و زهرة " .
‹•‹•‹•‹•‹•‹•‹•‹•‹•‹•‹•‹•‹‹•‹•‹•‹•‹•‹•‹•‹•‹•‹•‹•‹
لفت نظر اسيا الصورة اللي على وش الكرتونه ، و اللي كانت معاها كاملة ، كانت هي و والدتها و خليل ، و اول لما كبرت اسيا ، و كان معاها مبلغ ، راحت لـ بتاع الدهب ، و قررت انها تخلد الذكرى الوحيدة اللي باقيلها من امها ، في سلسلة تلبسها في رقبتها طول عمرها ..
مدت اسيا ايدها اللي كانوا بـ يترعشوا بـ قوة ، و مسكت الصورة المقصوصة ، و بصت فيها شوية بـ تتأمل امها ، و هي بـ تلمس صورة امها بـ حنين و حب و فقد ..
زهوة مسحت دموعها ، و هي بـ تقول : الكرتونة دي فيها كل حاچه تخص امي .. تخص امنا .. ، ابويا چمع كل الحاجات دي في كرتونة بعد ما ماتت ..
