Pagdating ni Leon sa address na binigay ni Iracebeth ay hindi muna siya bumaba ng sasakyan. Sinuri niya muna ang buong paligid kung may kahina-hinala ba at panganib. Ilan sa mga bodyguard niya ang kasama niya sa kotse pero hindi siya kampante na walang gulong mangyayari sa ganun katahimik na lugar kung kaya kailangan niyang maging mapagmatyag.
“Boss sasamahan ka na namin—”
“Hindi na. Ako lang mag-isa ang pupunta sa bahay nila. Dito na lang kayo at pagmasdan niyo na lang ako mula sa malayo. Alam niyo na ang gagawin kapag mayroong panganib at aberya. Maliwanag ba?” tanong niyang naghanda ng bumaba doon.
Ilang dipa ang layo nila sa mismong bahay nina Charlie. Iyon ang luma nilang kubo ng ama na hindi naman nito iniwan mula ng umalis si Charlie. Wala naman siyang ibang pupuntahan bukod sa
