Wala akong magawa para tanggihan si Grego sa pagsundo niya sa akin.
"Congratulations po sa inyo, Sir," maarteng bati ni bakla at kinindatan pa ako. Parang ito pa ang kinikilig sa aming dalawa.
"Bagay na bagay sila. Parehong maganda at gwapo," rinig kong bulungan ng iba pa. Nakapikit na lang ako ng madiin bago nagpasyang umalis.
Alam ng mga kasamahan ko sa trabaho na pauwi na rin ako.
Labag man sa kalooban ko. Pero sumama pa rin ako sa kaniya pauwi ng bahay.
Bago ko tuluyang nilisan ang opisina ni Sir Rio ay tiningnan ko muna siya. Hindi ko maipagkakaila na nag-aalala ako para sa kaniya.
Humihingi ako sa kaniya ng unawa dahil ayaw ko rin siyang ilagay sa kahihiyan. Ayaw ko siyang mapahamak at mas mabuti na rin sigurong ganito na muna kami.
Mas makakabuti siguro kong iiwasan ko
