الخامس

1628 Words

عشكتك عشك مجنون ياعاشك عشك عشكي وعزفتك لحن بلروح واكول للنبض دكي ******** سميه هاي وينه للحد هسه نايمه كعديهة ام عمار عوفيه تعبانه خطيه وسعت عيونه مااريد اسمع هذا الحجي منج والي اكوله يتنفذ مقداد صباح الخير تعال يمه صباح النور شو ماكو احد وين الجماعه ابوك طلع ويه وسام وقاسم جوي من الصبح اخذوا وياهم خير شصاير كل خير ابني بس مشروع جديد والظاهر ضخم وراس ماله قوي واليوم ابوك راح ديشوف الجماعه جايين من بغداد امممم لعد وين بزونه البيت عوفه يمعود مابينه حيل ابوك فتح ايديه اني شمسو ي صوجي اسأل عليهة لتسأل عوفنه راسنه بارد منه وتعال ياروح امك اتريك التفتت الام عمار كوليلهة خل تجي تزقنب كافي مشبعت نوم اهل الكهف ام عمار فرت بيديه هااا معاجبج الحجي انتي اللوخ والله لو ما عبد الله جان هسه انتي بلشارع ام عمار هاي مجازاتي وياج الله يسامحج امشييي من كدامي يالله مبقه بس الخداديم عليه مقداد دعوفيه وين تلكين بهل الوكت خدامات ومنو يكول امينه على كولتك هو اني شمصبرني صباخ الخير سميه ٠٠٠٠ مقداد توج شرفتي طبعا تكعدين متأخره وين جنتي دايحه البارحه بعد ماكو طلعات افتهمتي مو مكرنين احنه حته تاخذين راحتج كلششش عسل بالاول رد السلام واني راح انسه كلامك واعيد اخاف مسمعتني شلونك ميمو شمر الخاشوكه من ايده اني مو كتلج لتصيحيني بهل الاسم اشبي والله حلو اسمك احسه قوي ميلوك الهل الوجه سميه انجبي اشبي وجه احلى من وجهج هاي عود انتي امي اني سامعه الشادي بعين امه غزال بس يمكن هذا المثل طبقتي على ميمو بس استغرب شلون احنه تؤام وابد ميشبهني لا خلقه ولا اخلاق مقداد لا انتي طوختيهة كام يريد يضربهة سميه لزمته واشرت بعيونه عوفه علي ولج عيونج صايره صلفه واتراددين الاكبر منج شنو اكبر اني ويا نفس العمر لو اني بت البطه السوده هيجي كولي سميه اي اي انتي بت البطه السوده وساعه السوده الجيتي الهل الدنيا نزلت دمعته وطلعت تركض ام عمار ميخالف بنتي امج ليش امي هيجي وياي عمرهة مأخذتني بحضنه ولا سمعتني كلام حلو ادور وياي الحجج بس حتى تبهذلني وترزلني كأنما عدوته مو طفلتها ساعات اشك هيه امي ام عمار مو هيجي حبيبتي بس مقداد صارله هواي مشايفته وانتي على طول وياهه ولتنسين ابوج يموت عليج وممقصر معوضج حنانه عسل تمسح دموعه هيه حتى مخلتني اتريك استلموني رزايل ليش هو بس اليوم لو نسيتي طول عمري وهيه تعاملني حالي حال الخدامه واني اسفه منج بس تشوفيني مااكعد من المدرسه للشغل حته ماارتاح من تعب الطريق ردت فد يوم تشبكني تسالني اسويت منو الي ضوجني منو الي غثني اكلت شربت حته من وكعت من الرحلة بلمدرسه وخشمي يخر دم ابويه كلب الكادر كله ذاك اليوم وهيه ادكوله صوجهة هيه وكحه مو صوج احد منهة شذكر منه تذكرين من سخنت وبلاعيمي ملتهبه منو كعد وياي للصبح انتي وابويه كل شويه يجي يسأل وهيه ولا وصلت وادكول تتهرب م شغل البيت عبالك االبيت محتاج خدامات تالي بطلتهم وخلتني اني ابمكانهم حته اخوتي وياهة كلهم ضدي اريد اعرف ليش هيجي ويايه تعبت اني تعبت ارتمت بحضن ام عمار وادموعه على خدودهة ام عمار مسحت على شعرهة الله يهديهة عليج يمه بس اني وين صرت رفعت راسه منهة هو شنو الي مصبرني غيرج انتي وابويه *********** هو يدخل للشركه دكات كلبه تقره ميه ودمارات ركبته كلها برزت بشكل مرعب هو راح يلتقي بعدوه اللدود شلون راح يتحمل ويصبر بدون ميكشف نفسه ويلزم روحه عن قتله الله يعدي هذا اللقاء على خير ويحاول يمثل دور غير دوره بس لازم يمشي بلدور ليخسر كلشي سواه بهل الفتره عبد الله السفاح لازم يثق بيك ويحبك دخل وكعادته لفت انتباه الجميع بحضوره هو شخصيه مستحيل يمر مرور الكرام وبس ينبه النساء والرجال الموظف وكف على حيله اهلا وسهلا استاذ ماهر استاذ عبد الله منتضرك من زمان فتح الباب كان باستقباله وسام اهلا اهلاااا ماهر شلونك قاسم اتفضل استاذ ماهر بابا هذا استاذ ماهر استاذ ماهر ابويه عبد الله ويه روحه هه شلون مااعرفه اجاك ملك الموت كال اتشرفت ابمعرفتك وجنت اتمنى اتعرف عليك من زمان شخصيتك هوايه تعجبني انت مثال للرجل المثابر والي شك الكاع ولم ثروته الهائله م تعب جبينه التفت الوسام وقاسم ابوكم لازم ننحتله تمثال اقتصاد البلد وصادراته وارداته وكل انواع تجاراته بلخارج وعلاقاتنا وياهم ابوكم واحد من اسبابه رجل اقتصادي وعقل تجاري عبقري لتعتبروه مجامله لا بلع** مااحجي غير الواقع عبد الله نفخ جناحه بعد هذا الاطراء الي مسامعه من احد قبل لان الكل يعرفه رجل ظالم وحرامي ومتسلط وميطلع من حلكه بس الغلط بس ماهر طبق المثل الي يكول الجان عندك عند الجلب حاجه او اتمسكن لمه تتمكن والسياسه هيه الحيله الوحيده الي تفيد وياه عبد الله ههههه اشكرك وانت الولد حمدولي بيك اتفضل ليش واكف وهو يسلم وماهر كوه وغصب عنه مدله ايده يسلم وبس الله يدري شكد دايس علة روحه ماهر فتح دكمه قاطه وكعد اشكرك بس حقيقه جنت اتمنى اتعرف عليك ن قريب والحمد لله تحققت امنيتي عبد الله ههههه وانت هم مو قليل شاب ذكي كدرت بفتره قليله تكون ثروه لا باس بيه واني اليوم الهل سبب راح اخلي ايدي بيدك حته نتوكل على الله ونبلش ابتسم ماهر هذا يعني كدر يأثر عليه وهذا اول الطريق وانشاء الله يكمل باقي المشوار ماهر المشروع هاي كل اوراقه كدامكم واي سؤال بخصوصه اني حاضر قاسم المبلغ مو كلش جبير ماهر وهو ياخذ فنجان الكهوه الي حطو كدامه لا بلع** هم يالله يكفي لتنسه احنه معروفين بصيتنه كرؤوس اموال ضخمه بلبلد وحته لو اخذنه قرض من الدوله نكمل اذامحتاجين راح يسلمونه لان همه محتاجين مثل هاذي المشاريع ومن تنجح راح تتضاعف الاموال وسام هههههه صح كلامك واني هم كلتلهم عبد الله ويه روحه ارتاح كلش الماهر وهو بدوره كدر من اول لقاء ي**به عبد الله هذا هو طيني خل اوقع المحامي اشوفهن ؟؟؟ عبد الله ميحتاج جيبهن ماهر ابتسامه خبيثه العدي عدي الاوراق عدي ايي صار وراح خلاهن كدامه وذاك بدون ميقره وقع ماهر وقع وراه ياترى شنو هاي الاوراق قاسم وقع وسام هم وقع وانطو الهم نسخ من العقد عبد الله وبهاي المناسبه انت معزوم عدنه اليوم على العشه لا مااقبل اعذار ماهر ويه روحه اني اعتذر وليش هذا اليوم الي جنت منتضره ومخططله جاوبه طبعا اجي هذا من دواعي سروري اتعرف عن قريب بهذا الانسان العظيم وهسه اترخص اعرف وقتك ثمين ومن طلع عبد الله هذا الولد طب ابكلبي كلشش عجبني وسام مو كلتلك هيجي واحد تسلمه روحك وانت مطمان قاسم اني هم كلش ارتاحيتله عبد الله خابر امك تحضر للعشه كلله عازم ناس اكابر وخل تبيض وجهنه ************* ماهر بلشركه ذب روحه على الكرسي اخخخ ياعبد الله جاييك جاييك وهاي البدايه عدي بعد هل الخطوه شناوي تسوي ابتسم ابتسامته الخبيثه وكال وهو يذكر نجاح اول خطوه ويه عبد الله مااسوي شي راح اروح اتغده واسبح وانام وبعده اتشيك للموعد الغرامي هااا ياموعد من ورايه اشبيك نسيت عدي صفن قصدك بنته عسل ضاج من سمع اسمه بلسان عدي اي بلطبع اممم خوششش خل انشوفك ليون توصل يعني مصر ترة ماكو داعي الهاي الخطوه ماهر ٠٠٠٠٠٠ ********* سميه ام عمار دزيتي على الخادمات الي كلتج عليهن اي بس جدعوه وحده كافي لا ميكفي وصاني ابو قاسم ادز عليهن ولازم يلبسن زي موحد الابيض والاسود مثل ما وصيتج والاكل دزيت على الطباخ ابو علي هو يشرف عليهن لازم اديرين بالج ليغلطون بشي والبيت يتنظف كلش زين ترى الضيف جاي مو اي واحد وصانه بي وكل شويه يخابر لتغلطون مااعيد اني صار صار خانم عسل هاي شكو مخبوص البيت لازم يجي الرئيس اليوم ام عمار واكثر يمكن هااا بس تدرين الشغل اليوم خف عليه امج ادكول لتنزل ابد اليوم هو اني نازله يوميه حته انزل اليوم راح اسبح واتمدد على سريري والتهي اقره رواياتي المفضله الحد ماانام مثل كل يوم الساعه ٨ ليلا عبد الله وين عسوله سميه مكشخه اخر كشخته الليله ومقداد وقاسم وسام كاعدين منتضرين حضور الضيوف عسل كالت تعبانه وراحت الغرفته شلووون اكيد انتي سويتله شي بخباثتج انيي واني شنووو انت مقداد ولك والله لو اسمع بيك مضوجه ارجعك وين ماجنت امه غمزتله مقداد هو اني شايفه ام عمار روحيلهة خل تنزل خل اشوف اشبيهة ليش مجتني اليوم سميه عوجت حلكه بعد عشر دقايق نزلت وهي لابسه فانيلته التعلاكه الورديه وبجامته االبيضه وهي تنزل ركض مثل الاطفال تكمز وقلب عبد الله يرف الحبيبه قلبه كلما يشوفه كانما ترجع للحياه كدامه تذكره هيه بيهة جانت تريد تنام وصعدت عليها ام عمار هااا باابا حبيبي ماادري بيك جاي حضنته وطبعت بوسه بخدوده هههههه حبيبتي ليش حابسه روحج متنزلين جوه يمنه اخوتج هنا ورايح يجونه ضيوف مهمين روحي بدلي وتعالي يمنه مقداد انتي شنو متستحين شنو هذا الابسته يالله صعدي بدلي اشوكت تعرفين انتي كبرتي وعيب عليج عبد الله ولك هاي كدامي وهيجي تحاجيه شلك غرض بيهة ادبسزز ماطول خشمي يشم الهوه محد يحاجيهة بغضب وهنا دخل ماهر وشاف عسل بحضن عبد الله ويسمع توبيخه الابنه علمودهة بعد مادخله الخادم هو وعدي عسل ا رتبكت وغطت روحه بحضن ابوهة وتحاول تتهرب من عيونه وهي تتذكر ذاك اليوم نظراته تأثر بيهة قاسم اهلا وسهلا تفضل وسام راحله اتفضل سميه وخشمه العالي تحاول تتفحصه وكوه ترحب ماهر قبض ايدهة بقوه وصك علة اسنانه وهو يشوف العدوه الثانيه الحيه و الي كانت ااسبب ابتعذيب امه صار كدامه موقف امه وسميه تدفرهة ابطنهة وادوس عليه بقوه وامل تصرخ اخخ راح اموت سميه هو اني اريد اموتج موتي ياساقطه اعرف اشاف بيج عبد الله هنا قطع ذاكرته وسام ياهله بااستاذ ماهر وضيوفه اتفضلوا خنزرله مقداد العسل عسل رادت تروح تنهزم مو من خنزرت مقداد لا ممن نظراته الي خلته ميته وخجلانه بدمه عبد الله وعسل بعدهة بحضن ابوه الي يمسد على شعره ويثير بيه غيض ماهر بدون مايدري اشر على سميه زوجتي ام قاسم ماهر اهلا وسهلا مقداد ابني مشايفه البارحه اجه ن بره يدرس نفس خشم امه ماهر اهلا وسهلا تشرفت وهاي هههههه التؤام ماله عسوله ابوهة والي تعسل حياته وتخلي بي حيات خنزر بوجه ومد ايده يسلم استحت عبد الله لتستحين باباتي ولتخافين انتي بحضن ابوج محد يمد ايده الي يمد ايده ا**رهة اله وهو يباوع على مقداد مدت ايدهة تسلم لكن قبضته كانت كلش قويه بحيث دمعت عينه ومكدرت تسحبه خجلا منه شراح يكول صدك خافت بس شنو سبب هذي القبضه العنيفه يمكن هيه تحس هيجي اكيد بس الله على عيونه شلون ينظرلهة نظره ودته الغير عالم يمكن عالم اليس في بلاد العجائب ******* يتبع

Free reading for new users

Scan code to download app

App Store Google Play

Facebookexpand_more