Abalang naglilipat at bilog si Lucy sa dyaryo ng mga murang matitirhan ng araw na iyon,
nagplaplano na kasi ang mama niya na sa probinsya na tumira, alam niya na matagal ng gustong
umuwi ng mama niya sa kinalakihan nitong lugar, sila lang naman ang inaalala nito kaya hindi
nito magawa ang bagay na iyon, kaya naman ngayon ay nagpasya na siya na maghanap ng
malilipatan na bahay.
Nanlaki na lang ang mata niya nang makita ang nakalathala sa diyaryo, inilapit niya pa iyon
sa mukha niya at napangiti ng malapad nang mas mabasa ang nakasulat.
Dali-dali niyang tinawagan ang numero sa diyaryo sa takot na baka maunahan pa siya ng kung
sino.
Perpekto ang lokasyon ng pinaparentahan na lugar, maliban doon maganda din ang presyo nito
kada buwan eksakto lang sa budget niya.
Halos magtat
