CHARLES POV
Matagal ang biyahe namin, dahil naipit kami ng traffic dito sa San Pablo, Laguna.
"Babyloves, nauuhaw ako," sabi ni Abby sa akin.
"Oh, sige. Kapag may makita akong tindahan," sabi ko
Dahil mahaba ang traffic, pinili ko munang itabi ang aking sasakyan sa harapan ng isang tindahan.
"Anong gusto mong inumin?" tanong ko kay Abby.
"Sprite." Ngumiti ito, "Ibili mo na rin ako ng buko pie," malambing niyang sabi sa akin.
"Okay," matipid kong tugon.
Nang buksan ko ang pintuan ng aking sasakyan. Biglang nagsalita si Abby.
"Babyloves, sama 'ko papuntang tindahan," sabi niya.
Tumango ako at ngumiti. "Sige ba," pagsang-ayon ko.
Bumaba na ako ng sasakyan at naglakad ako patungo sa kabilang pintuan ng sasakyan. Binuksan ko ang pintuan at tinulungan kong makababa ng sasakyan si Abby
