Sa bawat pag-apak ng aming mga paa patungo sa ilog ng Floreska, tila may mabigat na enerhiyang sumasalubong sa amin upang hindi na tumuloy doon. Nang nasa kalagitnaan na kami ng gubat, bigla na lamang may sumalubong sa amin na isang malaki at itim na ibon.
"Ateeee!" sigaw ni Adam nang bigla na lamang dumaan ito sa aming harapan.
Hinawakan ko naman ang kanyang balikat, habang tinitingnan papalayo ang ibon.
"Huwag na kaya tayong tumuloy?" saad ko.
Lumingon naman sa akin si Adam at tila nalulungkot."Malapit na tayo ate,oh."
"Hindi kasi maganda ang pakiramdam ko ngayon e," pagpapalusot ko na lang.
Nagtaka naman ako nakayukong lumayo si Adam sa akin ng bigla itong tumakbo.
"Hoy Adam!Bumalik ka rito!" sigaw ko nang tumatawa pa ito habang binibilisan ang pagtakbo papunta sa ilog.
"At
