Pagkatapos naming kumain, dumiretso naman kami kaagad sa dating kwarto ni Arthur. Pinatulog muna namin ang dalawa, dahil kitang-kita ang kapaaguran sa kanilang mata at katawan.
Pagkapasok ko sa aming tutulugan, halos namangha naman ako sa aking nakita. Itong silid ni Arthur ay isang buong bahay na namin sa aming mundo. Pinapalibutan ito ng puting kulay, habang ang lampshade ay nakapatong sa cabinet na gawa sa rattan.
Rinig ko namang bumukas ang pintuan, kaya napalingon ako kaagad kay Arthur na bagong ligo habang nakatapis pa ito.
"Handa ka na bang umuwi bukas?" tanong niya, habang pinupunasan ang basa pa niyang buhok.
"Syempre, mahal. Namimiss ko na ring mag bonding tayo ng mga bata." Yakap ko sa kanya. "Pero teka, sigurado ka na ba na iiwan mo na ang Avalon?"
Tinanggal naman nit
