"Omg! Finally the beach!" Ella screeched the moment they arrived at the beach front of the hotel that they were staying. Hila-hila si Ivy ng dalawa niyang kaibigan. Sobrang excited ng dalawa papunta sa dagat. Wala naman siyang choice kundi ang magpatianod na lang dito dahil sobrang saya ng dalawa ay hindi na siya pinagsalita pa.
Napamura na lang siya sa isipan nang masulong nila ang dagat. Naghahabulan at nagpipisikan na ng tubig ang mga kaibigan niya habang siya ay nakasangga lang doon sa mga pisik ng tubig. Nagtatawanan ang mga ito habang siya ay hindi mapakali at hindi magawang ngumiti man lang sa mga ito.
Napabuntong-hininga siya at saka nilingon ang paligid.
"Hey! Hoy, Ivy!"
Napakurap-kurap siya nang bahagyang itulak ni Ella. Napatingin tuloy siya sa dalawa. Nakakunot na ang
