“Ihatid niyo na siya,” iyon ang narinig ni Ivy na sinabi ni Eonren sa kanyang bodyguard nang papasukin siya nito sa loob ng sasakyan.
“Yes po, Sir,” sagot naman ng guard.”
Napahinga siya nang malalim at napayuko na lang din. Lumunok pa siya at tumingin sa labas para tingnan ang lalaking busy pa rin sa pakikipag-usap sa bodyguard niya. Mukhang may mga ibinilin pa ito pero hindi na niya narinig pa ang mga iyon. Pagkatapos makipag-usap sa kanyang bodyguard ay saka ito lumapit sa kanya. Agad siyang nag-iwas ng tingin dito. Ipinaglapat niya ang kanyang mga kamay at hindi pa rin umimik kay Eonren. Ilang saglit pa ay narinig niya na lang na bumuga ng hininga ang lalaki.
“You should go home. Not that you’re asking but I’ll go home after your friends go home,” sabi pa nito. Nakagat niya na lan
