Nang muli kaming lumabas ni Marcus sa aming silid ay nadatnan namin si Mingming na kausap si Don Gregorio habang si Ornok naman ay matiim na nakamasid.
Nandoon na rin si Justine na tulad ng dati ay tahimik lang sa isang tabi na para bang may malalim na iniisip at walang pakialam sa paligid.
Nang mapansin kami ni Don Gregorio ay agad itong tumayo at nakipagkamay kay Marcus habang isang ngiti naman at tango ang ibinigay sa akin.
Sa mga natuklasan kong katotohanan ay hindi ko masasabi kung kanino pumapanig ang tumatayong tagapangalaga ng Deritos.
Kung ang angkan ni Don Gregorio ang mga tagapangalaga ay siguradong sila ang salinlahi ng tinutukoy na matalik na kaibigan ni Zeur sa kanyang mga sulat.
"Thank you for coming on such a short notice," wika ni Marcus matapos makipagkamay kay Do
