CHAPTER 9
Anicah Travis’ POV
PAGKATAPOS niyang magsalita, ramdam na ramdam ko kaagad ang kabog ng dibdib ko, hindi ko alam kung magsasalita ba ako o hindi ko nalang papansinin ang mga sinabi niya sa ‘kin.
“Nan’dun po si Mister Freed sa itaas.” Patay malisyang saad ko habang yumuko agad at nagpakawala ng napakalalim na hininga, ginawa ko ang lahat para hindi ako mautal ngayon. “Aalis na po ako.” Dagdag ko at pumihit na tatalikod sana pero naalala ko, may pinapagawa sa ‘kin si Mister Freed. Napapikit ako ng mariin dahil hindi ko na alam kung saan ako pupunta.
Nilakasan ko nalang ang loob ko na ihakbang ang aking mga paa pababa ng hagdan para sundin ang utos niya sa ‘kin. Iniiwasan ko talagang mahagip ng tingin si Damion dahil parang matutunaw ako. Ramdam na ramdam ko ang tensyon dahil sa
