UMALINGAWNGAW sa paligid ang malakas na pagtama ng mga sandata. Ito nga ay nang salagin ni Laxus ang tatlong malaking Kanabo ng tatlong Winged Demon na aatakehin sana ang dalagang si Lisa. Mabuti na lang at nag-cast siya ng skill para magawang masalag iyon at upang makabawas sa damage na maiibigay ng atakeng iyon mula sa mga AIs, kaso, dahil sa lakas ng pwersang dala noon ay tumilapon ang binata papunta sa katawan ni Lisa.
Napasigaw ang dalaga at si Laxus ay napapikit sa bilis ng pagtalsik nila. Nakita nga niya ang kanyang HP na nasa 50% kaagad ang ibinaba at napaseryoso na lang siya nang gumulong pa sila ni Lisa sa lupa.
“Kung wala akong suot na damit na may armour ay baka nasa critical level na ang HP ko,” sabi ng binata. Ngayon nga ay napatingin na muli sa kanilang dalawa ang tatlong
