ELLAINA
Pagkabalik namin sa Mondejar University ay mabilis akong nagtungo sa silid namin ng asawa sa rooftop. Nag-shower ako at nagpabangong mabuti para pagdating doon ni Jarred ay nakahanda na ako sa loving-loving namin na naudlot dahil kay Azzerdon. Nakadama na naman ako ng inis nang maalala ang kapatid. Kung hindi ito dumating ay tiyak na diretso na kami roon ni Jarred. Hmmp!
Pagkabihis ng damit at nag-blower naman ako ng buhok. Fresh na fresh ako bago pa may kumatok sa pinto. Si Jarred ang inaasahan ko kahit medyo nakakapagtaka kung bakit kailangan pa nitong mag-knock knock. Nang buksan ko ang pinto ay hindi pala ang asawa ang naroon kun’di si Azzerdon.
“Ano na namang kailangan mo—”
Bago ko pa matapos ang tanong ay kinaladkad na ako ng kapatid palabas ng kwarto. Sa may railings niy
