NANG maging maayos na ang pakiramdam ni Sabrina ay tinawagan agad niya ang mga kaibigan na si June at Ricky. Agad na nagpasundo siya sa mga ito at nang masalubong si Manang ay pina-impake niya ang gamit nila ng mga bata. Nagtataka man ay mabilis na sumunod ito sa kanya.
"Let's talk, Sabrina. Nagpapadalus-dalos ka na naman." May himig ng pakiusap na sabi ni Kerkie. Nakasunod lang ito sa kanya at hindi nagsasalita. Mukhang hindi na ito nakatiis nang sinabihan niya si Manang.
Lumingon siya at tinaas ang isang kamay hudyat na huwag itong sumunod. Nakuha naman nito ang senyas niya dahil huminto ito kaya bumaba na siya. Agad niyang nakita ang mga bata na kasama si Katherine. Nang makita nito na parating siya ay umasim ang mukha nito. Pero nang mapansin na walang emosyon ang mukha ay tumaas ang
