"Okay ka na ba?" tanong mula sa aking likuran. Agad akong lumingon nang makilala kong si Aljune ang nagmamay-ari ng boses na iyon.
Ngumiti ako, saka ako marahang tumango. "Oo," tugon ko, "Alam mo namang hindi ako puwedeng matengga ng matagal sa loob nang bahay, 'di ba? Kaya kahit hindi pa tuluyang naghihilom ang sugat ko ay kailangan ko nang kumayod."
Bumuntong hininga ito. "Fine! Tumayo ka na d'yan. Lunch break na, at 'wag mong sabihin pati ang pagkain pagtitipiran mo para lang yumaman." Sabay hila hawak nito sa aking kamay, saka ako hinila palabas ng nurse station.
"H-Hoy, teka!" pigil ko, ngunit hindi man lang ito nagpapigil at nagpatuloy lamang sa paghila sa akin. Kaya't sa huli'y wala na rin akong nagawa at nagpatianod na lamang dito, lalo na nang makita kong bitbit na rin pala nit
