MALAYANG natitingnan ni Juancho si Georgina sa ngayon dahil sa hindi siya nito mahuhuling titig na titig sa kanya dahil sa piring ng kanyang mata.
"Nasaan na ba iyon. . ." ani Georgina na parang may hinahanap. Kinapa-kapa niya ang buhanginan dahil dito. Naupo si Juancho upang tabihan ang dalaga pero hindi siya nagsalita.
"S-sino y-yan? N-nakita mo ba iyong isang t-tali, hawak ko iyon kanina," uutal-utal na wika ng dala habang patuloy pa rin ang pagkapa. Wala siyang ideya na si Juancho itong natabi sa kanya at nakangiti itong pinagmamasdan siyang nagsasalita at kinakausap siya.
Hinawi ni Juancho ang buhok nito na nakatakip sa kanyang mukha. Siguro ay hindi niya iyon agad napansin dahil sa ginagawa nila.
"A-anong ginagawa mo, b-bakit ba—"
"Ako ito, Binibini." Sa wakas ay nagsalita ri
