"Ro? Ro? Nasaan ka?" paulit ulit niyang sigaw. "Ro, sumagot ka," mas nilakasan niya ang boses ngunit wala siyang natanggap na sagot. Walang masyadong tao sa kinaroroonan niya kaya mas lalo siyang nabahala.
"Tarantado 'wag kang magpakamatay, kapag namatay ka papatayin ulit kita para madouble dead ka," asik niya. Muli siyang lumangoy sa mas malalim na parte ngunit wala pa rin ito. Halos pulikatin na siya sa pagsisid sa kailaliman ngunit walang Leandro'ng nagpakita.
Hinihingal siyang umahon at ihinilamos ang kamay sa mukhang pulang pula na dahil sa pagod sa pagsisid. Napatili siya nang may kung anong humila sa kanyang paa, magpupumiglas na sana siya nang may yumakap sa kanya mula sa harapan at lumitaw sa mismong mukha niya ang nakangising binata.
Sa labis na inis ay sinapak niya ito. "Ta
