البارت الرابع

2461 Words

عني شتعرف انته وعن معاناتي كمان يون على ص*ر الكمنجاتي عني شتعرف انته وعن خفاياي انا جروح الربابة وبحة الناي انا مثل الطبل دم تك على الراس وشوف الناس تتسلى اعلى بلواي ياعود اعزف صبا راحن ايام الصبى واحد يعذبه الوكت وواحد هلة تعذبه ياعود ماخالفت ..بس خالفوا خلتي زرعوني وسط الجمر.. وتنطروا شجرتي من كل كتر مشتعل يلغرتك ضحكتي ياعود كلك حزن.. ما للفرح حصة ويصير نگضي العمر.. غصة بأثر غصة گلبي نضج موسمه خذ منجل وگصه ياعود عندك علم ماضل الي صاحب تركوني وسط البحر وت**ر القارب ياعود وين الصدك ضاعت قياساتي وناسي الاحبهم صفوا اسباب مأساتي كريم العراقي *** وصلنه وره ربع ساعة البيت الشيخ جنت طول الطريق مدنجة ومغطية وجهي بعباتي ودموعي مانشفن بالي كله يم امي شراح يصير بيهه من بعدي وشلون راح تتحمل شفت السيارة طبگت ورفعت راسي بيت الشيخ الجنت اشوفنه من بعيد واحلم ادخلنه بيوم هاي انه عله بعد امتار منه بعد شويه راح اصير بداخله بس مو مثل ماجنت اتحلم واشوف روحي شيخة وامشي الكل بأمري لا راح ادخل ذليلة فصلية وخدامة الهم الكل يأمر وانه انفذ نزلو عمامي من السيارة وجانو متانينة كومة زلم معگلين بالباب بيهم عشرين واحد فتحولي الباب ونزلت وانه مدنجة نزلت عباتي وغطيت وجهي واشوفن واحد من الزلام تگرب عليه نزع عباته وغطاني بيهه عرفته رجال جبير من اديه وگال: دشي بويه جوه عبرت واسمع عمامي يوصون بيهم عليه سالفة تضحك صدگ شمروني ويوصون الغرب عليه دخلت من باب حديد جبير ولاگاني گراج مال سيارات عبرته ورا گاع خضرة جبيره كلش حلوه زارعين بيهه كلشي ومرتبين بيهه گعده تخبل والبيت صاير بالنص محاوطة الزرع من كل مچان رفعت راسي اباوع للبيت احسن اختنگت كل ذني ماريدهن اريدن ارجع لامي وانامن بحظنهه وتمسح عله راسي مثل گبل گطعت صفنتي ومشيت للبيت لاگاني باب خشب جبير فتحته شويه وشفت صالة جبيرة واثاثهه شايفته بس بالتلفزيون استحيت ادخل خاف مايقبلون التفتت واشوفن باب من الصفحة الثانية حديد عرفته باب المطبخ گلت اروح ادخل مناك احسن غير انه خدامة رحت ودخلت من باب المطبخ لاگتني بنية زغيرة عاينتلي وراحت تركض ضليت واكفة امكاني شويه ودخلن بنات شابات ثنين ومرة جبيرة ووياهن الجاهلة الشفتهه اول مرة كلهن لابسات اسود بقن واكفات ويعاينن عليه جا غير تمنيت الگاع تنشگ وتبلعني ولا اصيرن بهذا الموقف شگلهن هسه انه ياهي وليش جايه هنا نبت عليه وحدة جانت تباوعلي بحقد وگطعت صفنتي نهوة: انتي الفصلية گلت اي واحسهه گوه طلعت مني بلعومي احترگ بعبرتي شو هذن البنات حولن عليه عتني من عباتي وتگابلن عليه اريدن يطني مجال افتهم ماكو وحدة اطگني عله وجهي ووحدة ترفسني ويملشن ب*عري والمرة الجبيرة واگفة متخوصرة وتعاين ضليت اصرخ وتوسل بيهن اريدنهن يفكني ماكو صرت بيناتهن مثل الطوبة وحدة تشمرني ع الثانية يطگن بيه ويفشرن ماخلن غلطة ماگالنهه عليه وعله عمامي وسعد ابن عمي شويه ودخلن ثنين نسوان ووحدة منهن صاحت نعمة: ياااا فلك طرجن شسون ولجن هدنهه الله لا يطيجن هدنهه اجن دفعنهن مني وشالني من الگاع هدومي مشگگة ووجهي مادري منين ينزف خديجة: كومي حبيبة كومي خذني يمشن بيه وحدة منا والثانية منا وانه احسن روحي راحت وفرفحت مابيه اشيل روحي دخلني بوحدة من الغرف رفعت راسي شفت مرة جبيرة كلش لابسة عمامة وشيلتهه بيهه جنگال ذهب كاضة بيدهه سبحة وتسبح بس دخلت شاف*ني وحجت: الله لا يطيهن شمسويات بالفرخة خديجة: جا يمة ماتعرفين ام عباس وبناتهه من يتگابلن عله وحدة نعمة: سأليني انه عنهن صاحت بيهن الحجية ام ناظم: بسجن خل نفتهم من الفرخة.. شسمج يمة دنجت راسي وحجيت: ذهب نعمة: يااا جا السماج ماجذب صگد ذهب ام ناظم: گعدي يمة گعدي هنا جانت الغرفة بيهه جرباية وحدة ام نفر كاعدة عليهه الحجية وكبالهه ميز مال صلاة وبالكاع فارشين زولية وحاطين مندر ومخاد كعدت ع المندر ومارفعت راسي ابد ام ناظم: جا يمة رفعي راسج خل نشوف هالوجه الحلو رفعت راسي وگامن يصلن ع محمد كلهن خديجة: فلك طرهن خربن خلقة لبنية وين جنطتج يمة اروحن اجيبهه حته تبدلين اخافن يجي هسه السيد يعقدلكم احس گلبي انقبض من گالت هيج مادري ليش دليتهه ع الجنطة العفتهه اباب المطبخ وره ماستلمني ذنيج النسوان كتل راحت جابتهه واجت والحجية ماشالت عينهه مني تسبح وتباوعلي وبتهه الثانية هم تباوع لامهه وتباوعلي وتضحك عرفت ذني بناتهه يصيحلهه يمة احسن ارتاحيتلهن مبينات خوش نسوان الا ذني لتلگني بالبداية ماعرفتهن ياهنه خديجة: گومي يمة گومي غسلي وبدلي نعمة اخذيهه للحمام نعمة: اي تامرين خيه يلله يالذهب كله گومي كمت وياهه خذتني للحمام جان بصف غرفة الحجية اطتني دشداشة وشال جدد خذتهن ودخلت للحمام جان اكو بالحمام مراية اول مااجت عيني عله وجهي يااا عزة هاي شمسويات بيه طبع راشدي بخدي وشفتي مجروحة وگصتي زرگة نزعت دشداشتي واباوع جسمي متگع ازرگ من وراهن الله لا يطيهن يكول يكتلن بكافر مو هيج لبست الهدوم النظيفات ع السريع ولفيت شالي وطلعت لكيت هاي لمرة لاسمهه نعمة گاضبه عباتي ومتانيتني بالباب بس طلعت ضحكت بوجهي اطتني عباتي وحجت: يلله حبيبة لبسي عباتج تره السيد اجه راح يعقدولكم خذتني للمطبخ وانا صرت وراهه اخافن ادخل والگه ذني لتلگني بس ماجان اكو احد الحمدلله وگف*ني وره باب المطبخ الخارجي ووگفت هيه يمي واجت اختهه الثانية تركض شوية ونسمع صوت الزلم صار قريب اجو ووگفو وره الباب وحجه السيد: هل تقبلين بالشيخ هاشم زوجاً لك احس جسمي كله ضل يرجف متت من البرد واحنه بعز الصيف شنو الجاي يصير شيخ هاشم شنو معقولة يزوجوني شيخ عاد السيد الحجي مرة ثانية من شافني تأخرت ماجاوبت وهذني يندسن ويطگن بيه عود گولي اي گلت نعم كوه طلعتهه وبارك السيد للزلم وراحو باوسني ذني النسوان لثنين واحسهن فرحانات مادري ليش وخذتني نعمة صعدتني فوگ فتحت وحدة من الغرف جانت مقفولة ودخلتني دخلت وضليت فاكة حلگي ع الغرفة تخبل مو غرفة قصر الاخشاب لونهن ذهبي يخبل والفرشة المحطوطة تجنن وريحة البخور تعط من كل مجان نعمة: هاي حجرتج التفتت عليهه وحجيت: غرفتي نعمة: اي حجرة شيخ هاشم يعني حجرتج ذهب: يصير اسألنج سؤال نعمة: سألي گولي حبيبة ذهب: انتي شتصيرين من الشيخ نعمة: انه اخته نعمة وهذيج الشفتيهه وياي اختي الجبيرة خديجة والحجية امنه وشيخة هذا البيت ذهب: وو...... نعمة: ههههههه النساوين الطگنج مو ذهب هزيت راسي ودنجت نعمة: هاي ام عباس وبناتهه ام عباس مرت الشيخ هاشم الجبيرة هههههه يعني ضرتج ذهب: هااا ضرتي نعمة: يااا جا شجاب الثوم ع الحلقوم غير تخبلين انتي لا تخافين حبيبة ماتكدر تسويلج شي بعد الحجية تلعب بيهه طنب بس ساكتة منهه هسه عبن ابنهه توه مكتول وعاذرتهه ماتريد تكدرهه بمصابهه ضليت صافنة بوجهه وابالي الف سؤال اذا المرة الشفتهه تجي بعمر امي واكبر والبنات الطگني اكبر مني جا الشيخ شكبره ياااا عزة بس لا يطلع الرجال اللبسني عباته جا هاي اذا ام الولد المكتول وخواته من شافني هيج سون بيه ابو شراح يسوي كتلني الفضول اريد اسأل بس بلعتهه بگلبي وسكتت عيب هسه شتكول عليه بسرعة خذت ميانه وضلت تسأل نعمة: هاا شو طكيتيلج صفنة ذهب: هااا.. لا لا مابية شي نعمة: اعوفنج انه هسه ترتاحين خية اخذي راحتج طلعت وعاف*ني بالغرفة ابحدي الساعة جانت ب11 ونص الصبح حسيت روحي جوعانه من امس ما ماكلة بس اكيد ماگلهم جوعانه جاشيگولون عليه جوعية وماشايفة يلله اتاني علما يصبون غدة ويذكروني ضليت افتر بالغرفة فتحت الكنتور ولگيته مصفط ومرتب وبس هدوم رجالية بي بس الفر عقلي وخلاني صافنة الهدوم مو مال شايب لا هدوم شاب تراكات وبنطرونات وقمصان وهم اكو دشاديش وجفافي وكلشي كلهه مصفطة بترتيب بقيت فاتحة الكنتور وصافنة ياربي شني السالفة شلون هاي المرة الشفتهه مرته وشلون هاي هدومة معقولة الشيخ روحه خضرة ويحب يتشبب جا ليش جابوني الغرفته اذا مزوج ذيج مرته وين تنام معقولة عده غرفة ثانية جا ليش هدومة كلهن هنا اهيس راسي يريد ينفجر الف سؤال بي اي غير يجي واحد يفهمني خلوني وراحو جنت تعبانة كلش وهم التفكير ثولني ثول حطيت راسي ع الجرباية وبعد ماحسيت بشي كعدت عله راشدي احسه شعل خدي شعل فزيت مخترعة واشوفن المرة لاسمهه ام عباس واگفة عله راسي جرتني من هدومي وگومتني خزرتني واحس عيونهه تريد تطلع خزرتهه تخوف ام عباس: جا صدگتي روحج مرت الشيخ وماخذة راحتج ونايمة بحجرته خايبة وراس عبيس الخذا الموت وصار التراب فراشة ماتشوفين راحة مادام راسي يشم الهوة دفعتني حيل طحت ع الجرباية وعاف*ني وطلعت كضيت راسي عصرته حيل واهيس روحي بعد ماتحمل اكثر جا ياربي اطلعني من ضيم ادخلني بضيم اكبر اريدن ارتاح والله مليت شويه انفتح الباب وگمزت شفت نعمة دخلت واطمنت نعمة: ها حبيبة گعدتي.. دشيت عليج مساع لكيتج نايمة كلت اخليج ترتاحين ذهب: بيش الساعة هسه نعمة: ب3..ارتاحي خل اجيبلج لگمة تاكلين عاف*ني وطلعت ردت اكلهه ع ام عباس ودخلتهه عليه للغرفة بس استحيت وسكتت دخلت عليه وره شويه شايلة صينية حطتهه بالكاع والتفتتلي: يلله تعاي سندي گلبج اكيد ميتة من الجوع هسه باوعتلهه وحجيت بگلبي انملخت روحي من الجوع ولله غير استحي شگلج گمت گعدت بالكاع وحجت هي: يلله اعوفنج تاكلين براحتج اخافن تستحين مني خلتني وطلعت باوعت للاكل تمن ولحم وسوب ولبن اكلت منه وگمت وانه بعدني ماشبعانه جا عيب اخلص الماعون ويشوفونه فارغ شيگولون صار الليل وانه محبوسة بالغرفة لحد اجه بعد ولحد شافني غفيت وكعدت الصبح عله صوت نعمة نعمة: اصباح الخير حبيبة ذهب: اصباح النور نعمة: ماردت اكعدج انه بس امي تكول خل تنزل يمنه لا تضل حابسه روحهه فوگ ذهب: اخافن يشوفني هاي المرة وبناتها نعمة: ياا كومي حبيبة كومي مايكدرن يتندنلج وداعتج جا غير الشيخةت**ر عوجيتهه عله روسهن كمت غسلت ولبست شالي ونزلنه انه ونعمة جوة لگيت الحجية گاعدة ع القنفة وصينية الريوگ گبالهه ويمهه ولد شاب طويل ضعيف لابس دشداشة بيضة شكله كلش مرتب اول ماشفته دنجت وانداريت ردت ارجع وكضبتني نعمة من ايدي نعمة: ياا شمالج تعاي لا تستحين هذا حماج حيدر اخونة الزغير مشت نعمة كدامي وانه صرت وراهه انتبه النه الشاب تنحنح وگام حيدر: الحمدلله.. يلله شيخة رايدة شي ام ناظم: سلامتك يا بعد جبدي باس راسهه وطلع انتبهت اللهجته مو مثلهم يحجي بغدادي بقيت صافنة عليه جا انطوني للشايب وعدهم هيج بقلاوة امده حظج ذهب رفعت راسهه الحجية باوعتلي وضحكت ام ناظم: تعاي يمة گربي نعمة: انه ماتريگت گلت اتانيج اروحن اصبن ريوگنه راحت وانه گعدت بالگاع شويه واجت نعمة جايبة صينية الريوگ طلعت وراهه وحدة من البنات الطگني امس ***ة: خوش ولله انوب المسعدة مرتاحة ولگت من يخدمهه ام ناظم: جا انتي ماتعرفين تبلعين ل**نج وتنجبين ***ة: شبيج جدة جا نسيتي عبيس اشوفنج ام ناظم: خايبة روحي منا لا تخليني اكوم اهينج جدام البت طلعت اختهه الثانية من المطبخ جرت اختهه من ايدهه وحجت نهوة: امشي خيه امشي جا من يمته همه حبونه ام ناظم: خايبات والله اذا مافارجتن لاگوم اگصر هالعوجية عله روسجن عافنه ودخلن للمطبخ واجت نعمة حطت صينية الريوك وحجت: اكلي خيه اكلي محد يفيدج تره وانتي يمة عوفيهن يولن انتي صاحبة ضغط مديت ايدي اريد اكل ودخلت خديجة عبايتهه عله راسهه: صبحجن الله بالخير نعمة; هلا خية اصباح الخير اجيتي بوكتج تفضلي خديجة: بالعافية تريگت ابيتي تقربت باست راس امهه: شلونج يمة ام ناظم: هلا بيج يمة التفتت عليه وحجت: جا اگولن اليوم بيتنه منور اثاري ذهبه گاعدة جا شلون صباح حلو من يصبح الشيخ بوجهج ولا وجه الغاگة ام عباس نعمة: ههههههههه لا عاب حلگج خية گعدت بصفي وحجت: بلله حبيبة نزعي شيلتج اشوفن شعرج باوعتلهه مستحية وحجت نعمة: نزعي خيه نزعي مامش احد بالبيت نزعت شيلتي جنت مسوية شعري گصيبه ولافتهه مجلبتهه بماشه من فوگ جرت خديجة الماشة ونزلت گصيبتي نعمة: اللهم صلي عله محمد وآل محمد تشوفين لانه اشوفنه ام علي خديجة: اي خيه اشوفن.. اگلج يمة هذا شعرج صابغته لو هوه هيج ذهب: لا ماصابغة خديجة: وينك خوية هاشم تعال ليه خوية ام ناظم: بسجن عوفن البت نعمة: جا يمة غير فرحانين بالعباس تستاهل صيام اخوي هاي السنين كلهه يحجن وانه مامفتهمة شي جني ثولة بيناتهن ضاله بس فاكة حلگي جا هوه هاشم الخبصنه بي وينه غير يجي واشوفنه شني شكله شو بس اسمع بي خلصنه ريوگ وصاحتلي خديجة وياهن بالمطبخ دخلت واشوفن لوجوه مگلبة ام عباس وبناتهه ووياهن بنية تجي بعمر بنات ام عباس بس خطية مبينة فقيرة كلش يامرن عليهه ومايخلنهه تگعد ابد سوي هذا وحطي هذا وشيلي هذا وهي كلساع تباوعلي وتبتسم وانه هم ابتسملهه **رت خاطري من شفت حالهه جانت ام عباس تطبخ وتخزر بيه هيه وبناتهه ودخلن خديجة ونعمة يعجنن خديجة: شتعرفين تسوين ذهب ذهب: كلشي اعرف اطبخ وانظف واعجن واخبز نعمة: يااا فدوة لالله شكد عمرج انتي ذهب: 18 سنة خديجة: وياهو العلمج الشغل ذهب: امي ام عباس: جا شني الشغل يرادله علام كل بنياتنه نادرات ويعرفن يسون كلشي متعجبة شني نعمة: جا تجيبين ***ة ونهوة وي ذهب غير هنه بعمر امهه عوزهن بعد مايعرفن نهوة: يااا عمة شمالج جا شني هازين كاروكهه احنه نعمة: انجبي انجبي وحدتجن عدت الخمسة وعشرين جا جذبن عله البنية عبن ماتعرفجن ماتجذبن علينه شو هي گلتلهن هيج وهذني ضلن يرجفن نهوة: جا بالعباس بعد مالي كعدة دام هاي البت هنا اروحن للحجرة احسن وخل هي تكمل شغلي عود خديجة: خايبة دفعة مردي وعجزانين نكمل شغلج شني ام عباس: جا شني يبنات ام ناظم اشوفنجن حادات سنونجن اليوم خديجة: عله هونج خيه ام عباس جا ابدال ماتلدين بتج عله حلگهه وتسكتينهه جيف تحاجي عماتهه هيج ام عباس: ولله بتي ماگالت غير الحگ جا حاطات بت جتالين اخوهه وتمدحن بيهه شتردنهه تگلجن عفية خديجة: اسكتي خيه اسكتي اخوهه لونه زلمة ادمي مانكتل ام عباس: جا برحمة عبيس يجي الشيخ لو مايجي نشيوه گومي ولج مالنه گعدة هنا زعلن كلهن وطلعن من المطبخ وخديجة ونعمة ميتات من الضحك اندارت نعمة عله البنية الجانت وياهن وحجت: هاا يتينة اجاج العفو تينة: اي ولله يعمة متت من الصبح عله وگفة وحدة خلصن عجن وگامن نعمة: احنه رايحين نشوف امي ضلي ذهب يم تينة عبن انتي وياهه نفس العمر طلعن وعافنه لوحدنه بالمطبخ ذهب: اسمج تينة تينة: اي وانتي ذهب مو ذهب: اي.. شتعوديلهم انتي دنجت وحجت واشوفن الدمعة بعينهه: انه اصيرن مرت شيخ حيدر تفاجئت وضليت صافنة حيدر الولد الحلو الشفته الصبح هاي مرته جانت لبنية زغيرة مبينة ازغر مني وجهه حلو بس شكلهه مبهذل وكلش فطيرة يعني معقولة هذا الولد لمرتب مقتنع بيهه ذهب: يعني انتي چنتهم تينة: اي ذهب: جا ليش تخلين ام عباس وبناتهه يامرن عليج وانتي جنة حالج حالهه ابتسمت وحجت: عبن ام عباس مرت الشيخ ورجلهه مسويلهه قيمة بس انه….. ذهب: انتي شني تينة: معرسة ومامعرسة ذهب: شلون يعني تينة: خليهه عله الله غير وكت اسولفلج يرادلهه كعدة سمعنه صوت واحد يتنحنح اباب المطبخ لبست شالي بسرعة حيدر: تينة… تينة وينج راحت تركض وفتحتله الباب واشوف اللهفة بعيونهه: هاا هااا شيخ آمر حيدر: ركضي للغرفة جيبيلي سويج السيارة بسرعة تينة: تآمر راحت ركض وانه ضليت واكفة اباوعله جان داير وحاط اديه بجيوب دشداشتة ومنطيني ظهره لابس نظارة شمسية وشكله يخبل دگ تلفونه وجاوب حيدر: هاا شيخ هاشم جايك ثواني احس فز گلبي من سمعت الاسم اجت تينة تركض اطته السويج وراح وضلت تباوع ورا علما اختفة ذهب: تحبينه التفتتلي وجهه يضحك وحجت: جا غير هوه الروح والرية بقيت ساكتة اباوعلهه واحجي بگلبي ولله عمي حگج رجال لو حلاوة جكليت مشه اليوم وخلص وماشفت بعد لا حيدر ولا ذاك الشيخ اخو بس العصر اجت نعمة صعدت للغرفة كالت الشيخ يريد ملابس خذت وطلعت وبعدهه ماسمعت سيرته ابد صار الليل وهمة عادتهم ينامون من وكت وانه گبل امي تنام وانه اضل سهرانه ع التلفزيون دخلت للغرفة وشغلت التلفزيون بدلت دشداشتي ولبستلي ثوب خفيف من الجايباتهن ام سند وام غازي وكعدت اگلب بالتلفزيون اجت عله بالي امي سوده عليه شمسوية بلياي احسن گلبي نار عليهه شلون اشوفنهه بعد سرحانه واسمع صوت صياح يم الباب نعمة: اهده خوية مو هيج فدوة اروحلك ـــ جا ياهو العتب عليجن وگللجن تحطنهه بحجرتي يتبع…… .

Free reading for new users

Scan code to download app

App Store Google Play

Facebookexpand_more