سند: ذهب طلعي... ولج ذهب... عرستي ونسيتي سند.... عبالج متحامية بالشيخ...... اليوم احرگ البيت عليج وعليه
ذهب
ضليت واگفة بمكاني مامصدگة لاسمعه
هذا شذكره بيه وشجابه بهالليل ..
نزل الشيخ يركض لابس دشداشته والدكم مفتوحة وشعره مكوش ومسدسه بيده
نعمة: ياااا خوية راح تطلع
هاشم: جا ترديني البد.. ميلي خل اشوف ياهو هاذ
عافنه وطلع ونزل ورا حيدر يركض وتينه
حيدر: شبيكم شصاير
ام ناظم: الحگ اخيك فدوة اروحلك يمة
طلع حيدر وركضنه انه وتينه ونعمة عله شباج المطبخ نباوع
باب الگراج مفتوح عله حيله والشيخ زانگ سند من هدومه وسند يطوطح وكوه يطلع الحجاية
سند: جا اطلعولي حبيبتي لا اليوم مايصير خير
هاشم: امشي ولي منا لا وعلي احطك دم بركبتي امشيييي
دفعه الشيخ حيل وطاح بالكاع وكام مرة ثانية
سند: انته شنو عود تخوفني... عبالك شيخ واخافن منك... خايب ماتخوف جلبي
گمز عليه الشيخ وصار حيدر بنصهم: انعل الشيطان ش
