*FRANCO's POV*
Nagising ako at nakita ko ang sarili kong nakahiga sa isang couch habang nakasandal sakin si Mathew na nakatulog din pala mula sa paglalaro namin kanina.
Hindi ko na namalayan ang oras, madilim na pala.
Maingat kong inangat ang ulo ni Mathew at inayos ang pagkakasandal nya sa sakin, may kung ano sa pakiramdam ko na hindi ko maipaliwanag. Basta ang alam ko lang masaya ako at magaan ang loob ko kapag nakikita ko ang batang ito. Kahit naman yata sino ay maaaliw dahil sa pagkabibo ni Mathew, nakakaaliw at nakakatuwang bata.
Maya-maya ay nalanghap ko ang nakagugutom na amoy, alam kong adobo iyon at bigla na lang kumalam yung tiyan ko. Ang hilig ko pa naman kumain. Yun lang ay hindi halata dahil pinapanatili kong fit ang katawan ko. Araw-araw akong nag-eexercise sa sarili ko
